Dieter Hagenbach
Dr Dieter A. Hagenbach (* 24. Juli 1943[1] z Basel; † 17. Augschte 2016 z Basel[2][3]) isch e Schwyzer Buechhändler, Verleger, Literaturagänt un Autor gsioi. Är isch dr Grinder vum Sphinx Verlag un dr gmainnitzige Gaia Media Stiftig gsii.
Lääben un Schaffe
[ändere | Quälltäxt bearbeite]Nod dr Matura het dr Dieter Hagenbach an dr Chunschtakademy z Düsseldorf Chunscht un Architäktur studiert. Anne 1969 isch er Dail vum Multimediateam „Cosmic Correspondence“ gsii. Wu dr Timothy Leary uf dr Flucht vor dr CIA 1971 in dr Schwyz um Asyl bätte het, het er e Zytlang bim Hagenbach gwohnt, wu si in eme Brief an dr domolig Schwyzer Bundesbresidänt Kurt Furgler fir Leary yygsetzt ghaa het.[4]
Im Spotjohr 1975 het dr Hagenbach z Basel d Buechhandlig Sphinx am Spalenberg mit em zuegherige Sphinx-Verlag ufgmacht. Dr Schwärpunkt vum Verlagsprogramm isch uf dr Theme Psychology, Philosophy, Bewusstsyy-Zueständ, indigeni Velker, Spiritualitet un Esoterik. In 15 Johr Verlagsgschicht het er zum Byschpel Wärch vum Alan Watts, dr Marilyn Ferguson, em Joseph Campbell, em Fritjof Capra, em Albert Hofmann, em John C. Lilly, em Timothy Leary, em Aleister Crowley un em HR Giger verlegt. Vu 1977 bis 1986 isch dr Hagenbach Rusgeber vum Sphinx Magazin gsii.
Anne 1990 isch dr Sphinx-Verlag an d Verlagsgruppe Random House verchauft wore. Derno het dr Dieter Hagenbach al Literaturagänt gschafft un het am 23. Juni 1993 z Basel di gmainnitzig Gaia Media Stiftig grindet, wu unter anderem mit eme vum Hagenbach ufgsetzte „Goodnewsletter“ dr Schräckesnochrichten alldag positivi Mäldige het wellen entgegesetze. Dr Goodnewsletter isch bis anne 2006 in druckter Form uusechuu.[5]
D Gaia Media Stiftig het zum 100. Geburtsdag vum Albert Hofmann im Naturhistorische Museum Basel e Feschtakt un s Simposium „LSD – Sorgenkind und Wunderdroge“ organisiert.
Schrifte
[ändere | Quälltäxt bearbeite]- Dieter Hagenbach, Lucius Werthmüller: Albert Hofmann und sein LSD. Mit einem Vorwort von Stanislav Grof, Aargau 2011, ISBN 9783038005308.
Weblink
[ändere | Quälltäxt bearbeite]- Gaia Media Stiftig mit em Hagenbach sym Goodnewsletter
- LSD – Sorgenkind und Wunderdroge International Simposium zum 100. Geburtsdag vum Albert Hofmann.
- World Psychedelic Forum (WPF) vum 21. bis 24. Merz 2008 im Congress Center Basel
Fueßnote
[ändere | Quälltäxt bearbeite]- ↑ Literaturagent Dieter Hagenbach 73-jährig gestorben uf onlinereports.ch, 22. Augschte 2016, abgruefen am 30. Augschte 2016
- ↑ Lucius Werthmüller: Nachruf auf Sphinx-Verleger Dieter Hagenbach In: www.grenzwissenschaft-aktuell.de vum 30. Augschte 2016.
- ↑ Traueranzeige (Site cha nüme abgrüeft wärde; Suche im Webarchiv) In: Neue Zürcher Zeitung vom 23. August 2016.
- ↑ Lucius Werthmüller: Nachruf auf Sphinx-Verleger Dieter Hagenbach In: www.grenzwissenschaft-aktuell.de vum 30. Augschte 2016.
- ↑ Lucius Werthmüller: Nachruf auf Sphinx-Verleger Dieter Hagenbach In: www.grenzwissenschaft-aktuell.de vum 30. Augschte 2016.
|
Dä Artikel basiert uff ere fräie Übersetzig vu dere Version vum Artikel „Dieter_Hagenbach“ vu de dütsche Wikipedia. E Liste vu de Autore un Versione isch do z finde. |