Daressalaam

Us der alemannische Wikipedia, der freie Dialäkt-Enzyklopedy
دار السلام
Dar es Salaam
Dar-es-Salam
Daressalaam
Daressalaam (Tansania)
Daressalaam (Tansania)
Koordinate 6° 49′ S, 39° 17′ OKoordinate: 6° 49′ S, 39° 17′ O
Basisdate
Staat Tansania

Region

Daressalam
Iiwooner 2.698.651 (1. Januar 2005)
Stadtzentrum vo Daressalam
Stadtzentrum vo Daressalam
Stadtzentrum vo Daressalam
Daressalaam

Daressalaam (arabisch دار السلام , Dār as-Salām wo "Huus vom Friide" bedüted), ursprünglig Msisima, isch die grösst und riichst Stadt z Tansania und e wichdigs regionals wirtschaftligs Zentrum. Grösser Daressalaam het noch dr offizielle Volkszellig 2002 e Bevölkerig vo 2'497'940 Iiwohner gha.

Verwaltig[ändere | Quälltäxt bearbeite]

1974 het d Stadt dr Status vo dr Hauptstadt an Dodoma verlore, isch aber dr Sitz vo dr Landesverwaltig bliibe. Daressalaam isch en administrativi Brovinz und bestoht us drei Distrikt: Kinondoni im Norde, Ilala in dr Middi und Temeke im Süde.

Wirtschaft und Verkehr[ändere | Quälltäxt bearbeite]

D Seehafe

Über si natürlige Seehafe, wo au vo de Nochberstaate Uganda, Ruanda, Burundi, Sambia, Malawi und der Demokratische Republik vo Kongo bruucht wird, exportiert Tansania dr grösst Deil vo siine mineralische und landwirtschaftlige Produkt. Lokal härgstellt wärde Seifi, Farb, Zigarette, Schueh und Textilie, Metall- und Glasbrodukt.

D Ware zue und vom Kongo wärde zwüsche Daressalaam und em Kongonäbefluss Lualaba mit dr Iisebahn dransbortiert. D Stadt isch per Iisebahn au mit Kigoma am Tanganjikasee und Mwansa am Viktoriasee verbunde. Noch Sambia füehrt d Tanzam Railway.

Dr Flughafe wird vo nationale und internationale Linie agfloge. Daressalaam isch e beliebte Turistenort worde dank siim molerische Hafe, siine schöne Stränd und em rege Nachtläbe.

Gschicht[ändere | Quälltäxt bearbeite]

Kaiserstrasse, Dar es Salaam, Dütschostafrika, öbbe 1905

Daressalaam isch 1862 vom Sultan vo Sansibar gründet worde am Ort wo s Dorf Msisima gstanden isch. Es isch e chliini Hafestadt bliibe, bis die Dütschostafrikanischi Gsellschaft 1887 si pachtet het und 1890 kauft het. Im Johr druf het sech bis 1916 die dütsch Kolonialverwaltig dört niiderglo. 1907 isch vo Daressalaam us d Iisebahn baut worde. Noch em Erste Wältchrieg hai d Ängländer die dütsche ostafrikanische Kolonie as Mandat übernoh. Daressalaam isch noch dr Unabhängikeit vo Tanganjika 1961 d Landeshauptstadt worde und es au noch dr Vereinigung mit Sansibar zu Tansanie bis 1974 au bliibe. 1998 hai islamischi Militanti im e Terroragriff uf die US-amerikanischi Botschaft zäh Iiheimische dötet und Dutzendi verletzt.

Quelle[ändere | Quälltäxt bearbeite]

  • Dr Artikel "Dar es Salaam." in dr Encyclopædia Britannica. Ultimate Reference Suite. Chicago: Encyclopædia Britannica, 2009.

Lingg[ändere | Quälltäxt bearbeite]

 Commons: Daressalam – Sammlig vo Multimediadateie