Christoph Möhrlen
Dr Christoph Möhrlen (* 20. Januar 1800 in Baiersbronn (Württemberg); † 28. Februar 1871 in Daillens (Kanton Waadt)[1][2]; Psöidonüm: Christoph Irenius) ische n id Wéschdschwiiz uusgwandrede Léhrer, Pfarrer u Schrifdschdeller gsi, wo bsungers Chinder- u Jùgendbüecher gschribe hed.
Dr Möhrlen isch Léhrer am Seminaar z’Schiers[3] u ou ar Armenaaschdalt Calame z’Le Locle[4] gsi. Dr Möhrlen isch o ne „Ziit lang Léhrer u Erzieher ar „Griechenaaschdalt“ z’Böigge gsi (wo’s nur churz gä hed) wo 1827 uf Iniziatiive vom Christian Friedrich Spittler gründed worde n isch, um Buebe n us Griecheland, wo us dürkischer Sklaveréi fréigchoufd woorde sii, chrischdlech uuszbilde“.[5] Schbéter isch er Pfarrer z’Payerne worde, wo n er e Buebenerziehigsaaschdalt gründed u o gléited hed, [6] u as ledschtz hed er as Pfarrer in Daillens im Kantòon Waat gschaffed, wo n er em 28. Februar 1871 o gschdoorbe n isch.
Näb éinige pédagògische Teggschde n u Übersedzige hed er 1839 unger em Psöidonüm Christoph Irenius ds outobiográfische Buech Eine wahrhafte Geschichte[7] veröffendlechd, wo n er drinne ds Dorf wo n er ufd Wält choo isch „Baierquell“ aschdatt dr würklechi Ort Baiersbronn nennt.
Dr Möhrlen isch mid em Röösli Fridenouer verhüraated gsii u hed achd Chinder ghaa (unger anderem di schbéteri Frou vom Otto Sutermeister, Ernestine).[2]
Sekundärliteratuur [ändere]
- Erinnerung an Frau Professor Ernestine Sutermeister-Moehrlen: Geboren den 18. Oktober 1832 / Gestorben den 18. Juli 1900. 1900.
- Marie Dedie-Moehrlen. Une belle vie: la vie de mon grand-père, le pasteur Christophe Moehrlen, 1800-1871. Nöieburg: Impr. P. Attinger S.A., 1936. 199 Siitene.
- Olivier Dedie (Herausgeber). Le dernier journal du pasteur Christophe Moehrlen. (Umfasst d Jaar 1866 bis 1869.) Rolle: Société d'histoire de la Côte, 1987. 32 Siitene.
Linggs [ändere]
Allmänd (Commons): Christoph Möhrlen – Sammlig vo witere Multimediadateie
S dütschsprochig Wikisource hät Originaltegscht zum Thema „Christoph Möhrlen“.
- Literatur vu un iber Christoph Möhrlen im Katalog vu dr Dytsche Nationalbibliothek
Kwälle [ändere]
- ↑ Basler Zeitschrift für Geschichte und Altertumskunde, d’Hefd 43-45. Usegää vor Hischdòorische u Antikwaarische Gsellschafd vo Basel, Schdifdig Pro Augusta Raurica, R. Reich, 1944. S. 131
- ↑ 2,0 2,1 Läbesaagabe bir Genealòogische Gsellschafd Gämf
- ↑ Heinrich Wilhelm Josias Thiersch. Christian Heinrich Zeller's Leben. Band 1. Felix Schneider, 1876, 308
- ↑ Basler Zeitschrift für Geschichte und Altertumskunde, d’Hefd 43-45. Usegää vor Hischdòorische u Antikwaarische Gsellschafd vo Basel, Schdifdig Pro Augusta Raurica, R. Reich, 1944. S. 132.
- ↑ Heidy Margrit Müller. Dichterische Freiheit und pädagogische Utopie: Studien zur schweizerischen Jugendliteratur. Lang, 1998. S. 33. ISBN 9783906757568
- ↑ Anzeige einer Knaben-Erziehungsanstalt im zwöite Band vo siim Buech Das Buch der Wahrheitszeugen. Basel 1846, S. 829
- ↑ Christoph Irenius: Eine wahrhafte Geschichte. Outobiografii. Basel, 1839.
| Dä Artikel basiert uff ere fräie Übbersetzig vum Artikel „Christoph_Möhrlen“ vu de dütsche Wikipedia.
E Liste vu de Autore un Versione isch do z finde. |
| Persoonedaate | |
|---|---|
| NAME: | Möhrlen, Christoph |
| ALTERNATIVNAMEN: | Möhrlen, Johann Christof; Moehrlen, Christophe; Irenius, Christoph |
| KURZBESCHREIBUNG: | Léhrer, Pfarrer u Schrifdschdeller |
| GEBURTSDATUM: | 20. Januar 1800 |
| GEBURTSORT: | Baiersbronn |
| STERBEDATUM: | 28. Februar 1871 |
| STERBEORT: | Daillens |
