Cäcilia von Rom

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Skulptur vo dr häilige Cäcilia vom Stefano Maderno in dr Chille Santa Cecilia z Trastevere (1599–1600)

D Cäcilia vo Rom (* um 200 n. Chr. z Rom; † um 230 z Rom) isch e christligi Häiligi, Jungfrau und Märtyrere vo dr früeje Chille. Si isch d Patronin vo dr Chillemuusig. Iiri Attribut si d Orgle oder d Giige, s Schwärt (as Attribut vom Martyrium) und d Rose.

D Legände[ändere | Quälltäxt bearbeite]

Noch dr Überliiferig het sich d Jungfrau Cäcilia em Heer versproche. Iiri Eltere häi sä aber mit em häidnische Jüngling Valerianus verhürootet, und mit däm het si denn in ere Josephsehe gläbt. D Cäcilia het iire Maa Valerianus und däm si Brueder zum Christedum bekeert. Wäge iirem Glaube si die bäide Brüeder an dr Begraabig vo hiigrichtete Christe drbii gsi, was verbote gsi isch. Mä het sä denn im Gfängnis iigsperrt und hiigrichdet. Wo mä die Aaghörige vo de Hiigrichtete verfolgt het, isch mä uf d Cäcilia gstoosse. Die het iiri ganzi Dienerschaft bekeert, bevor mä sä in häisses Wasser het lo dauche. Das het ere aber nüt gmacht. Wo dr Hänker denn brobiert het, iire dr Chopf abzschloo, isch em s nid glunge, dr Chopf vom Körper z drenne. Si het denn no drei Dääg lang gläbt und iiri Riichdümer under de Arme verdäilt.

Litratuur[ändere | Quälltäxt bearbeite]

Darstellige, Monografie
  • Friedrich Wilhelm Bautz: Caecilia. In: Biographisch-Bibliographisches Kirchenlexikon (BBKL). Band 1, Hamm 1975, Sp. 840–841.
Adaptionen

Weblingg[ändere | Quälltäxt bearbeite]

 Allmänd (Commons): Hl. Cäcilia – Sammlig vo witere Multimediadateie
Dä Artikel basiert uff ere fräie Übersetzig vum Artikel „Cäcilia_von_Rom“ vu de dütsche Wikipedia.

E Liste vu de Autore un Versione isch do z finde.