Baltikum

Us der alemannische Wikipedia, der freie Dialäkt-Enzyklopedy
Hops zue: Navigation, Suech
d Laag vom Baltikum

S Baltikum isch e Piet vo Nordosteuropa, wo im Norde an Finnische Meerbuse und im Weste a d Ostsee grenzt. D Abgrenzig ufem Festland geg Oste und Süüde isch nöd festglait. Zum Baltikum ghöred di drai baltische Staate Estland, Lettland, Litaue, sowie di russischi Exklave Kaliningrad und de nordöstlichi Tail vo Pole. De höchsti Berg vom Baltikum isch de Suur Munamägi und de grösst See de Peipussee.

Bivölkerig[ändere | Quälltäxt bearbeite]

S Baltikum werd vo verschidnige Völcher bisidlet. De Name het s vo de Balte, emene indoeuropäische Volch, wo i de Antiki as Aestii bikannt gsii sind. Zo de Balte ghöred d Lette und d Litauer und früener ono d Prusse, wo a Preusse de Name ggee hend. D Este ghöred zu de Finnugrier, emene nödindoeuropäische Volch. Jüngeri politischi Verändrige hend dezue gfüert, as de Aatail a Slawe im Baltikum starch agstigen isch.