Baanhof Donaueschingè
| Donaueschingè | |
|---|---|
 | |
| Daate | |
| Kategorii | 4[1] |
| Perron | 5 |
| Abchürzig | RDO |
| Eröffnig | 15. Juni 1868 |
| Laag | |
| Gmeind | Donaueschingè |
| Land | Baden-Württemberg |
| Staat | Deutschland |
| Koordinate | 47° 56′ 52″ N, 8° 29′ 56″ O |
| Höchi | 677 m ü. NHN |
| Iisebahnstreckene | |
| |
| Bahnhööf z Bade-Würtebärg | |
Dè Baanhof Donaueschingè (Abchürzig: RDO) isch èn Drènnigsbaanhof im Südè vo Baddè-Württèbärg un uff dè Südboor glègè. Er isch dè einzigè Baanhof vo dè Stadt Donaueschingè. Ußerdèm git s nò d Haltepüngt Donaueschingè Allmendshoffè, Donaueschingè Mitti/Sidlung, Donaueschingè Aufè un Donaueschingè Grüèningè. Dè Baanhof hèt füüf Baanschteiggleis. Dõ haltet öppè 100 Fèrnvokeerszüüg (nu am Wuchéänd), DB Regio un Hoèzollerischè Landesbaan (HZL).
Gschichtè[ändere | Quälltäxt bearbeite]
Dè Baanhof isch am 15. Juni 1868 als vorläufigè Ändbaanhof vum Deilabschnitt Donauèschingè–Ängè vo dè Schwarzwaldbaan in Bedryb gnõ worrè. Am 6. Auguscht 1869 isch d Strèggi gu Villingè volängèrèt worrè. Am 18. Oktobèr 1892 isch d Baanschtrèggi Donaueschingè–Hüfingè fèrtiggschtellt worrè un dè Baanhof isch zum Drènnungsbahnhof mutyrt. Glychzitig isch dè Eschinger Baanhof Sitz von èm Baanmeischter un d Kapazidät durch zuèsätzlichi Gleis erwittèrèt worrè. Am 20. Auguscht 1901 isch diè Hinteri Höllèdalbaan vo Donaueschingè uff Neuschtadt an Eschinger Baanhof aagschlossè worrè, dõdèmit isch Donaueschingè übber d Baan via Titisee mit Fryburg vobundè worrè. Anno 1902 isch dè Empfangsbau (EG) abgrissè un durch èn Neubau ersetzt worrè. En Großdeil vo dè Baanaalaagè, unter andrèm au s EG, isch im Zweitè Wältchrièg kabutt bombt worrè. Sèllèwäg hèt mò nõch èm Chrièg dè Bau von èm neuè EG beschlossè, wo im Johr 1959 fèrtig worrè isch.[2]
Infraschtruktur[ändere | Quälltäxt bearbeite]
Laag[ändere | Quälltäxt bearbeite]
Dè Baanhof lyt südweschtlich vo dè Stadtmitti vu Donaueschingè. S Baanhofsareal wörd südlich durch d Friedrich-Ebert-Strõß un d Güèterschtrõß sowiè nördlich durch d Baanhofschtrõß begränzt. Im Weschtè un im Oschtè git s Brüggè, wo s Baanhofsglände übberquèrèd, d Schällèbärgbrugg im Weschtè un d Baanhofsbrugg im Oschtè.
Empfangsbau[ändere | Quälltäxt bearbeite]
S EG lyt nördlich i dè Mitti vum Gleisfäld un hèt d Adressè Bahnhofstraße 1. Im Bau isch unter andrèm è Reisezèntrum, èn Kiosk un èn Backschtation (Stand: 2017) unterbrocht.
Stellwärch[ändere | Quälltäxt bearbeite]
Nõch dè Eröffnig vum Baanhof sin d Weichè vum Weichèwärter gschtellt worrè. Ab 1893 sin d Weichè un d Signaal durch è mechanischs Stellwärch gschtüèrèt worrè, dõdefür isch è Faardiènschtschtellwärch un zwei Befeelsschtellwärch ygrichtet worrè. Durch dè Aaschluss a d Höllèdalbaan isch è vyrts Stellwärch bruucht worrè.[2] 1982 sin diè mechanischè Stellwärch durch è Spurblaanstellwärch ersetzt worrè, wo sich im EG mittig uff dè Gleissitè befindè duèt.[3]
Baanschteig un Gleisaalaagè[ändere | Quälltäxt bearbeite]
Dè Eschinger Baanhof hèt drei Baanschteig, wo zum Deil übber barrièrifreyi Zuè-/Abgäng vofüègèd.
- Gleis 1: Höchi 34 Zentimeter, Längi 383 Meter, für d Züüg Schwarzwaldbaan gu Villingè/Offèbürg/Karlsruè
- Gleis 2: Höchi 34 Zentimeter, Längi 363 Meter, für d Züüg Schwarzwaldbaan gu Immèdingè/Singè/Konschdanz
- Gleis 3: Höchi 34 Zentimeter, Längi 363 Meter, für d Züüg Höllèdalbaan/Donaudalbaan
- Gleis 4: Höchi 24 Zentimeter, Längi 180 Meter, für d Züüg Donaudalbaan
- Gleis 5: Höchi 24 Zentimeter, Längi 180 Meter, für d Züüg Höllèdalbaan[4]
Witterhy füürt d Schwarzwaldbaan gu Villingè zweigleisig übber d Norduusfaart, wôrènd sèbbi Strèggi gu Immèdingè zweigleisig übber d Süduusfaart gòt. Äbbèfalls übber d Süduusfaart gòt d Bregdalbaan/Höllèdalbaan, wo mit èrè Chrützungsweichè uusgfädlèt wörrèd.
Schlièßlich vofüègt dè Eschinger Baanhof übber è Ladegleis am südweschtlichè Rand vum Gleisfäld, wo fürs Be-/Entladdè bi dè landwürtschaftlichè Güèter sowiè è Abschtellgleis in Volängerung vum Gleis 3/4 Richtig Nordè, wo meischtens fürs Ringzug-Rollmatriaal bruucht wörd.
Vokeer[ändere | Quälltäxt bearbeite]
Dè Baanhof lyt a dè Kursbuèchschtrèggi (Schwarzwaldbaan) un (Hinteri Höllèdalbaan). Er wörd am Wuchèänd durch s Intercity-Zugpärli Schwarzwald au im Fèrnvokeer bediènt. S dägliche Intercity-Zugpärli – ehemòls èbbèfalls als Schwarzwald dauft – vo Hamburch-Altona uff Konschdanz isch im Dezèmber 2014 ygschtellt worrè. Historischer isch d Fèrnvokeersaabindig durch dè sognannte Kläbber-Exprèss, wo vo 1954 bis 2003 au z Donaueschingè ghaltè hèt. Sèbbè Baanhof isch bim Lauf vum Kläbber-Exprèss 303 km vom Münchner Hauptbaanhof un 76 km vum Fryburger Hauptbaanhof èwäg gsi.
| Linniè | Volauf | Frequènz |
|---|---|---|
| IC 35 | Emdè Hbf – Münschter (Weschtf) Hbf / Dortmund Hbf – Duisburch Hbf – Kölle Hbf – Koblènz Hbf – Karlsruè Hbf – Offèbürg – Villingè (Schwarzw) – Donaueschingè – Singè (Hohèntwyyl) – Konschdanz | ei Zugpärli am Wuchèänd |
| RE 2 | Karlsruè – Baddè-Baddè – Achèrè – Offèbürg – Villingè (Schwarzw) – Donaueschingè – Immèdingè – Singè (Hohèntwyyl) – Konschdanz | 60-Minutè-Tagt |
| RE 55 | (Dribärg –) Villingè (Schwarzw) – Donaueschingè – Duttlingè – Sigmaringè – Rièdlingè – Schèlklingè – Ulm Hbf | 60/120-Minutè-Tagt |
| RB 42 | Briilingè – Donaueschingè – Villingè (Schwarzw) – Schwänningè (Neggar) – Trossingè Baanhof – Rautweil – Spaichingè – Duttlingè – Immèdingè – Blummbärg-Zollhuus | 60-Minutè-Tagt |
| S 10 | Villingè (Schwarzw) – Donaueschingè – Neuschtadt (Schwarzw) – Titisee – Fryburg Hbf | 60-Minutè-Tagt |
(Stand 2021)
| Linniè | Strèggi | EVU | Tragtionsart |
|---|---|---|---|
| IC 35 | Schwarzwaldbaan | DB Fèrnvokeer | Elegtrisch |
| RE 2 | Schwarzwaldbaan | DB Regio | Elegtrisch |
| RE 55 | Schwarzwaldbaan - Donaudalbaan | DB Regio | Disel |
| RB 42 | Höllèdalbaan/Bregdalbaan - Alemannèbaan | Ringzug / HZL | Disel |
| S 10 | Höllèdalbaan | DB Regio | Elegtrisch (sit 2020) |
(Stand 2021)
Weblinggs[ändere | Quälltäxt bearbeite]
Commons: Bahnhof Donaueschingen – Sammlig vo MultimediadateieEinzelnõchwys[ändere | Quälltäxt bearbeite]
- ↑ Bahnhofskategorieliste 2016, vo dè Dütschè Baan, PDF 0,33 MB, abgruèfè am 26. Februar 2016
- ↑ 2,0 2,1 Gschicht vum Baanhof uff zielbahnhof.de
- ↑ Stellwerksliste. In: stellwerke.de. Abgruefen am 26. Februar 2018.
- ↑ Bahnsteiginformationen zum Bahnhof Donaueschingen. (Nicht mehr online verfügbar.) In: deutschebahn.com. Deutsche Bahn AG, archiviert vom Original am 2. Dezember 2016; abgruefen am 1. Dezember 2016. Info: Der Archivlink wurde automatisch eingesetzt und noch nicht geprüft. Bitte prüfe Original- und Archivlink gemäß Anleitung und entferne dann diesen Hinweis.
|
Dä Artikel basiert uff ere fräie Übersetzig vum Artikel „Bahnhof_Donaueschingen“ vu de dütsche Wikipedia. E Liste vu de Autore un Versione isch do z finde. |