BH

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Fotomodel mit BH
Detailonsicht vorne
Detailonsicht hinte

D BH (vun dt. Büstenhalter) isch e Wäschstuck, wu di wiblig Bruscht stitze un forme soll.

Gschicht[ändere | Quälltäxt bearbeite]

Schu in de Antike un im Mittelalter hen d Fraue Binde us Line iber ihre Brischt trait zum si schtitze z kinne.

D erscht richtig Bischtehalter isch us eme Girtel un Nastiecher gmacht worre. Der isch 1889 vun de Franzesin Herminie Cadolle patentiert worre. Z Dytschlond sin witri Patent fir de Bischtehalter ogmeldet worre. De Hugo Schindler het siner „Brusthalter“ 1891 ogmeldet. Där het zwo on eme Girtel bfeschtigti Kappe gha, wu obe mit Bänder fescht gmacht worre sin. D Christine Hardt vun Dreschde het om 5. September 1895 ihr „Frauenleibchen als Brustträger“ zum Patent ogmeldet. S isch us zommegknipfte Nastiecher un Männerhosnträger gsi, wu verschtellbar gsi sin. De Schwob Wilhelm Meyer-Ilschen het 1904 sini „Bruststütze ohne Unterteil“ zum Patent ogmeldet. Weltwit hets e Uzahl vun witre Patentierunge gäbe.

Um d Johrhundertwend het de BH in vile Länder s ubequem Korsett abglest. D erschti BH sin us Line gmacht gsi, sit de 1920er-Johr sin si au us Sid, Musselin oder Batischt härgstellt worre.

Ugfähr glichzitig mit em Hugo Schindler isch in de USA vu dr Mary Phelps Jacob e Ersatz fir d Mieder erfunde worre: Us zwei Nastiecher un e paar Bändle isch e Wäschstuck gmacht worre, wu d Brescht bedeckt hen. 1914 het si d Erfindung patentiere glu un het s Patent deno fir rund 15.000 Dollar on d Warner Brothers Corset Company verkauft. Offiziell isch s d Erfinderin vum BH, aber wohl nur wege ihrem guete Gschäftssinn. Mit em Onfong vun de induschtrielle Fertigung isch de Sigeszug vum Bischtehalter nimmi ufzhalte gsi.

Wu de BH ongfonge het s Mieder verdränge, sin parallel dezue au de Hufthalter un d Straps ufkumme.

In de 1930er-Johr isch s Mieder erneyt in Modi kumme. Ebefalls am Onfong vun de 1930er sin in d USA zum erschte Mol di no hit bekonnt Standardgresse (A-, B- un C-Kerbli) iigfiert worre. Erscht 1947, mit em sognonnte New Look, het em de Bischtehalter engiltig d Rong abgloffe. S het deno BH mit verschtärkte Kerbli (mit Fischbei-, speter Metallbigel unterhalb vun d Schale) gebe, wattierti BH, verstärkti BH, Push-ups, BH mit un uhni Verschluss, Verschluss hinte oder vorne usw.

Ebenso wie bi ondre Kleider het de BH e Vilzahl vun Mode durichloffe: buebehaft in de 1920er Johr, rund in de 1930er un spitz in de 1950er Johr. Dass es in de 1960er Johr mit de Frauebewegung zue effentlige BH-Verbrennunge kumme isch, isch aber e Märli.

BH-Gresse[ändere | Quälltäxt bearbeite]

D Gressi vun de wiblige Bruscht wird in de Regel in BH-Gresse ongebe. S git zwo Methode, die Gressi z bstimme.

US-Gresse[ändere | Quälltäxt bearbeite]

Zerscht wird de Liibumfong unter de Bruscht gmesse. Ergit sich e Mass bis 84 cm, werde 7,5 cm dezuegrechnet, bi gressere Masse werre 12,5 cm dezuegrechnet.

Zur Bstimmung vun de Kerbligressi misst mer de Bruschtumfong, ohni debi d Brist iizdrucke. Vun dem Mass wird de obe berechnet Unterbruschtumfong abzoge. S ergit sich d Zahl fir di erscht Spalt in de Tabelle unte.

Zur Unterstitzung konn no de Iberbruschtumfong gmesse werre. Dodezu misst mer oberhalb vun de Bruscht unter de Ärm durich. Noch m Abziege vun de Unterbruschtwitti ergit sich d Zahl fir di zwot Spalt vun de Tabelle unte.

D Kerbligressi konn deno no zwo Methode bstimmt werre. Entweder mer verwendet mit de beide obe bstimmte Zahle -- Unterbruschtumfong plus Zueschlag un Bruschtumfong -- die Tabelle:

Bruscht minus Unterbruscht Bruscht minus Iberbruscht Kerbli
0 AA
3 3 A
5 5 B
8 8 C
10 10 D
13 13 E,DD
15 15 F,DDD
18 18 G,F,FF
19 GG
20 G,H
23 H,I
25 H,I,J
28 HH
29-33 I
33-39 J
39-41 K,JJ

Oder mer verwendet d Differenz zwische Unterbruscht un Bruschtumfong

ugfähri Differenz
Unterbruscht-Bruschtumfong
BH-Gressi
12.5 A
15 B
17.5 C
20 D
22,5 E/DD
25 F/EE/DDD
27.5 G/FF/EEE
30 H
32.5 HH
35 II/J
37.5 JJ


Noch unte git s dene noch e AA-Gressi. Die bezeichnet nit e B-Gressi noch em obere Syschtem, sundern e Buese, wu kleiner isch wie e A-Gressi.

S Finde vun de richtige Bischtehaltergressi isch fir vil Fraue e Problem. Tabelle kinne immer nur e Richtwert gebe -- de eigetlig Usschlag sott s guet Kerpergfiel gebe.

Internationali Gressetabelle:

Region Gressi
US-Gressi 30 32 34 36 38 40 42 44 46 48
Franzesischi Gressi 80 85 90 95 100 105 110 115 120 125
Italienischi Gressi 1 2 3 4 5 6 7 8 9 10
Internationali Gressi 65 70 75 80 85 90 95 100 105 110
Australisch/NL Gressi 8 10 12 14 16 18 20 22 24 26

Rekord[ändere | Quälltäxt bearbeite]

D grescht Bischtehalter, vezichnet im "Guiness Buch der Rekorde", isch vu de Norma Stitz (e Kinschtlernome, wu vun änglisch ugs. „Enormous Tits“ kunnt, uf alemannisch „Risigi Titte“) us d USA trait worre un het d Gressi 56WW. Des entschpricht ere Unterbruschtwitti vun 56 Zoll = 142 cm un eme Bruschtumfong vun 203 cm.

Hängigi Brischt[ändere | Quälltäxt bearbeite]

Mit em Alter fonge d Brischt o runterzhänge. D Herschteller hen d Idee in d Welt gsetzt, dass de BH di jugedlig Form vun de Brischt hilft erhalte. Fir die Onohm gits aber kei Bewis. Im Gegeteil wyse Forschungsergebnis druf no, dass de Effekt durich d Entlaschtung vun de Bindehut sogar verstärkt wird.
Zitat (Mary Phelps-Jacobs zuegschribe): "Om End sigt do immer d Schwärkraft."

spezielli BH-Arte[ändere | Quälltäxt bearbeite]

D meischte BH gits mit Verschluss vorne oder Verschluss hinte. S het au Kombinatione us de Grundtype.

Hersteller[ändere | Quälltäxt bearbeite]

Bekonnti Markehersteller vun Miederwar un BH sin u. a.: Argentovivo, Aubade, Charnos, Damaris, Escora, Felina, Freya, Gossard, Hanro, Huit, Janet Reger, La Perla, Lejaby, Le Mystère, Lise Charmel, Naturana, Nubra, Palmers, Passionata, Playtex, Rigby & Peller, Sarah Fisk, Sariana, Simone Pérèle, Spoylt, Swegmark, Triumph, Veradonna, Wacoal, Wolford und Wonderbra.

BH mit ufwändige Spitzeverzierunge sin nit kochfescht un kinne nur mit Hondwäsch oder im Wullprogramm gwäsche werre.

Lueg au[ändere | Quälltäxt bearbeite]


Weblink[ändere | Quälltäxt bearbeite]