Jahrhundertwende

Us der alemannische Wikipedia, der freie Dialäkt-Enzyklopedy

Under re Johrhundertwändi verstoht mer im allgemeine de Zitruum vo e baar Johr um de Übergang vo einem Johrhundert in s ander.

Wë mer genauer anelüegt, no ßin's numme d Johr mit de Ändziffere 00 und 01 (Epochesprung); di meiste Lüt finde aber de Wechsel vo de Ändziffer vo 99 uff 00 wichtiger.

Im speziälle hät d Johrhundertwändi de Wechsel vom 19. zum 20. Johrhundert bedütet, also öbbe d Johr vo 1896 bis 1910 ("Fin de siècle"). Säll isch z Europa d Belle Époque gßi, e Zit mit starke bolitische und soziale Änderige vo de Gründerzit und de Johr vor em Erschte Wältchrieg - und glychzitig mit usbrägte Styl in de Architektur, Literatur und Kunscht. Dass di kulturälli Zitewändi vom 19. Johrhundert erscht in de 1910er stattfindet, nännt mer s lang nünzähnt Johrhundert.

Sit de letschte Johrdausendwändi vom 20. zum 21. Johrhundert isch de Begriff missverständlig und überholt.