Auguste Lustig

Dialäkt: Elsassisch

Stàtüta ìm Square Steinbach z Milhüsa

Dr Auguste Lustig (*4. Novamber 1840 z'Hàrtmànswìller; †2. Janner 1895) ìsch a elsassischer Dìchter gsìì, aui bekànnt fer d Theàterstìcker wo-n-'r gschrìwa hàt.

Jugend

Si Vàter, dr Nicolas Lustig, ìsch a Wawer gsìì.
Ànna 1844, wo dr Auguste Lustig viar Johr àlt ìsch, kummt d gànza Fàmìlia uf Milhüsa. Do geht'r ìn d kleina Schüel. Mìt zwälf Johr kummt'r ìn d Firma Thierry Mieg & Cie àls Mohler Lehrbüe. Wenn d Zitt kumma ìsch vu dr Militärpflìcht, kummt'r ìns 3. Regimant vu de Lanciers. Zum Glìck kààt'r dert ìn dr Militärmüsik spìela, denn s Militärlawa gfàllt ìhm gàr nìt. Ar hàt liawer Müsik, Gedìchta, Nàtur...

Lawa z Milhüsa

Noh sewa Johra Militärdianscht khert'r andlig zruck uf Milhüsa. Do fàngt'r à dìchta, uf frànzeesch un uf Hochditsch.
Àls Berüef schàft'r àls Retoucheur bim a Milhüser Fotogràf, ìm Àtelier Kohler-Dietz. Mìt 27 Johr hirotet ar d Sophie Emilie Thys; sa bikumma a Maidla. D Fàmìlia wohnt ìm Àrweiterviartel, dr Auguste Lustig verbrìngt do a zìmlig riawig Lawa, mìt sinra Fràui un sim Maidla. Dr Auguste Lustig schribt wohl luschtiga un kurzwilliga Gedìchter, àwer ar ìsch nìt unbedìngt a so-n-a luschtiger Mànn: ar ìsch diskret, ar labt wia-n-a eifàcher Àrweiter un ar gfàllt sìch hàuiptsachlig ìn dr Nàtur un ìn sinra Fàmìlia. Leider hàt'r aui Gsundheitsorga: ar hàt Asthma, ar prowiart sina Lunga z heila àwer wìrd doch làngsàm schwächer.

Elsassischer Dìchter un Theàterschrìftsteller

Ànna 1870 wìrd s Elsàss ditsch. Dernoh verwàcht ìn ìhm sina elsassischa Identität, wia fer vìel Elsasser àn dara Zitt. Ar düet wu jetzt àb Gedìchta uf Elsassisch schriwa.
Ànna 1875, mìt 35 Johr, düet'r a Büech uf Milhüserisch Dialekt veräffentlischa: "Luschtige Milhüserditsche Vars". Drèi àndra Gedìchterbiacher kumma nochhar noch üssa.
Ànna 1879, ìm ehmàliga milhüser Theàter "Cercle Mulhousien", wìrd si erschter Theàterstìck gspìelt: "Drei schwarze Liebschafte", wo vìel Elfolg hàt.
Dr Auguste Lustig schribt ìm Gànza 25 Theàterstìcker uf elsassisch.

And vu sim Lawa

Sämtliche Werke - Erster Band

Ànna 1889 hàt'r a Grippe wo-n-ìhm vìel schàdet. Schwàch un miad, müeß dr Auguste Lustig hàlta mìt schàffa. Àm 2. Janner 1895 düet'r starwa; fer ìhn ìsch's a Erleesung gsìì.
A Grupp vu sina Frìnd düet si Gànza Wark wìeder veräffentlischa. Ànna 1896 kämma zwei Biacher üssa, bi dr Büechdruckarèi J. Brinkmann z'Milhüsa:

A. Lustig's sämtliche Werke. Mülhausen i. Els. J. Brinkmann 1896

• Erster Band - Gedichte (mehrera Uflàga sìn noochhar noch veräffentligt worra)
• Zweiter Band - Theater

Sa tüen aui a Stele uf sim Gràb màcha, ìm Milhüser Kìrchhoff. Do druf steht eina vu sina Gedìchta, wo-n'r sajt wia-n-ìhm s Lawa schwahr worra ìsch:

Mied !
Ich wiess nitt, was hit fir e G'fiehl
Sisch in mi Herz thüet stehle,
's isch mir, als thàt mr allewil
E-n-àime-n-ebbes fehle.

Ich glaub, 's isch d'Rüeh; ich ha so satt,
So g'nüeg an allem z'àmme !
Ich mag, so bi-n-i mied un matt,
An nit meh Atheil nàmme !

Dr einzig Wunsch, wo-n-i noch hätt,
Thàt alles ferig mache:
Ischlofe rüehig z'Nacht im Bett
Un nimmig meh verwache !