Antarktika
Antarktika
| Flechi | 14.000.000 km² |
|---|---|
| Bevölkerig | käini im ängere Sinn, meereri hundert bis duusig Wüsseschaftler und Turiste |
| Bevölkerigsdichdi | — |
| Länder | käini |
| Regione | Westantarktika, Ostantarktika |
Antarktika (von griechisch antarktikos ἀνταρκτικός: wisawii vo dr Arktis) isch dr südligst Kontinänt uf dr Ärde.[1][2] Er umfasst dr Südpol und lit zmizt in dr Antarktis, in dr Umgangssprooch wird er vilmol mit dere identifiziert. Anderi Bezäichnige si Südkontinänt und antarktische Kontinänt. D Antarktika het e Flechi vo öbbe 14 Millione Kwadratkilometer und isch fast vollständig vom Antarktische Iisschild zudeckt, wo die gröössti Iismasse uf dr Ärde isch. Wenn die ganz wurd schmelze, wurde d Ozean um 61 Meter aastiige, was für braktisch alli Länder, wo an en Ozean aagränze, en ökologischi Katastroofe wurd.
D Antarktika isch kä äigene Staat. Siibe Nazione, Argentinie, Australie, Chile, Frankriich, Nöiseeland, Norwääge und s Veräinigte Königriich, häi Gebietsaasprüch erhobe, wo sich zum Däil überschniide. 1961 isch dr Antarktisverdraag in Chraft drätte, wo alli Gebietsaasprüch uschlammeret und alle intressierte Nazione erlaubt, uf dr Antarktika frei für wüsseschaftligi Zwäck z forsche. Spööteri Zuesatzbrotokoll garantiere dr Schutz vo de natürlige Ressurse für d Zuekumft.
Litratuur[ändere | Quälltäxt bearbeite]
- Deutsche Forschungsgemeinschaft: Deutsche Forschung in der Antarktis. Wissenschaftlicher Fortschritt und Perspektiven. Wiley-VCH, Weinheim 2005, ISBN 3-527-31251-X.
- Georg Kleinschmidt: Die plattentektonische Rolle der Antarktis. Carl-Friedrich-von-Siemens-Stiftung, Münche 2001. (Räije Themen, Band 73)
- John May: Das Greenpeace-Buch der Antarktis. Ravensburger Buchverlag, Raveschburg 1991, ISBN 3-473-46166-0.
- Norbert W. Roland: Antarktis. Forschung im ewigen Eis. Spektrum Akademischer Verlag, Häidelbärg 2009, ISBN 978-3-8274-1875-3.
Weblingg[ändere | Quälltäxt bearbeite]
Commons: Antartica – Album mit Multimediadateie Commons: Antarktika – Sammlig vo MultimediadateieFuessnoote[ändere | Quälltäxt bearbeite]
- ↑ Duden onläin: Antarktika
- ↑ Bertelsmann: das neue Universal Lexikon. wissenmedia Verlag, Gütersloh 2006, S. 247 (online) (Memento vom 12. Augschte 2014 im Internet Archive)
|
Dä Artikel basiert uff ere fräie Übersetzig vum Artikel „Antarktika“ vu de dütsche Wikipedia. E Liste vu de Autore un Versione isch do z finde. |
Koordinate: 90° 0′ 0″ S