Zibelemärit

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Zibelemärit 2009

Der Zibelemärit isch ds Volksfescht, wo z Bärn am vierte Mänti im Novämber gfyret wird.

Der Märit[ändere | Quälltäxt bearbeite]

Scho am Aabe dervor wärden ir Altstadt Ständ ufbbout. Der Märit vat sehr früech am Morge scho aa, u für ne Zibelezopf z übercho mues me früech gnue dört sy. Es wärde nid nume Zibelen aabbotte, sondern o alles mügleche Kunschthandwärch.

Ds Volksfescht[ändere | Quälltäxt bearbeite]

Vom Morge bis spät ir Nacht geit ds Volksfescht. Es wird vil Konfetti gworfe. Zum Ässe git's näb em normale Volksfeschtässe o der Zibelechueche. Wil bi de Konfettischlachte näbe de Konfetti o Plastikhämmerli ygsetzt wärde, u wil's das unter Jugendtleche zimli ruuch cha wärde, isch ds Volksfescht vom Zibelemärit bi vilne nümm beliebt, wo z Bärn sy ufgwachse (im Unterschid zum eigentleche Märit, aber für dä mues men äbe früe ufstah).

Gschicht[ändere | Quälltäxt bearbeite]

Es isch unklar, wie der Zibelemärit isch entstande. Aagäblich sölle Murtner vom Vischtelacherbärg de Bärner nachmene Stadtbrand ghulffe ha, so das si derfür mitmene spezielle Märit sy belohnt worde.

Literatur[ändere | Quälltäxt bearbeite]

  •  Hans Erpf: Dr Zibelemärit. Eine kleine Geschichte rund um die Zwiebel und den Berner Zibelemärit nebst zahlreichen schmackhaften Zwiebelrezepten. Mit einer Betrachtung zum „Tag der Zwiebel“ von Ueli der Schreiber. Verbandsdruckerei, Bern 1977, ISBN 3-7280-5053-9.
  •  Hans Erpf, Mario Barisi: Dr Märit z Bärn. Geschichten, Episoden, Verse und Bilder rund um die Berner Märkte. Erpf, Bern 1982, ISBN 3-256-00043-6.
  •  Hans Erpf, Natalie Ulmann (Fotos): Dr Zibelemärit und rund um die Zwiebel von A–Z. Mit über 100 Rezepten. Fischer, Münsingen 1990, ISBN 3-85681-223-7.
  •  Rudolf J. Ramseyer: Zibelemärit, Martinimesse. Emmentaler Druck, Langnau 1990, ISBN 3-85654-915-3.
  •  Edith Schweizer-Völker: Schweizer Volksfeste. Mondo, Vevey 1995, ISBN 2-88168-594-3.
  •  Adrian Bänninger: Sechseläuten und Morgestraich. Die schönsten Feste und Bräuche der Schweiz. Geschichte und Gegenwart. Diederichs, Kreuzlingen 2007, ISBN 978-3-7205-3029-3.

Wäblinks[ändere | Quälltäxt bearbeite]

 Commons: Zibelemärit – Sammlig vo Multimediadateie