Zürisee-Schifffaartsgselschaft

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
d Wèrft bi Züri-Wolishofe

D Zürisee-Schifffaartsgselschaft, abgchürzt ZSG, isch es schwiizerischs Undernääme, wo Schiff uf em Zürisee hät. D Firma hät iren Sitz z Züri. D Schiff faared uf em Zürisee, em Obersee und i de Stadt Züri uf de Limet.

Sid ane 1834 git’s uf em Zürisee Transportfirmene, und scho 1835 isch s eerschte Tampfschiff ufe See choo; es hät Minerva gheisse.

Im 19. Jaarhundert sind grad es baar verschideni Schiffgselschafte am See und auf uf em Waalesee gründet woorde. Ane 1890 isch d Zürcher Tampfbootgselschaft entstande, wo druus ane 1957 d ZSG woorden isch.

Hütt macht d ZSG bim Zürcher Vercheersverbund, em ZVV, mit.

Vo de ZSG sind zwei alti Radtampfer, d Stadt Züri und d Stadt Rapperschwyl, und zwölf Motoorschiff und drüü nidrigi Limetboot uf em Wasser underwägs. Iiri Wèrft hät d Firma z Wolishofe.

Weblink[ändere | Quälltäxt bearbeite]

 Commons: Zürichsee Schifffahrt – Sammlig vo Multimediadateie