Wolfgang Raufelder

Us der alemannische Wikipedia, der freie Dialäkt-Enzyklopedy
Hops zue: Navigation, Suech
dr Wolfgang Raufelder (2013)

Dr Wolfgang Raufelder (* 16. Juli 1957 z Mannem-Friedrichsfeld) isch e dytsche Bolitiker (Bindnis 90/Di Griene). Syter anne 2011 isch er Abgordnete im Landdag vu Bade-Wirttebärg.

Uusbildig un Beruef[ändere | Quälltäxt bearbeite]

Dr Raufelder isch z Friedrichsfeld ufgwachse un dert uf Volksschuel gange. Am Friedrich-List-Gymnasium z Mannem het er Fachabitur gmacht un derno bim Berufsförderungswerk Heidelberg un in dr Orthopädische Klinik Schlierbach sy Zivildienscht glaischtet. Derno het er an dr Universitete Darmstadt un Frankfurt Architäktur un Biology studiert.

Noch em Studium het er in dr Staatlige Hochböuverwaltig Bade-Wirttebärg z Haidelberg un z Mannem, bim Regierigsbresidium Darmstadt un bi dr Stadtverwaltig Viernheim gschafft.

Bolitischi Laufbahn[ändere | Quälltäxt bearbeite]

Anne 1999 isch dr Raufelder in dr Gmaindsrot vu sr Stadt Mannem gwehlt wore, im nämlige Johr isch er au Mitglid vum Kraisvorstand vun dr Mannemer Griene wore un Mitglid vu dr Verbandsversammlig vum Verband Region Rhy-Necker. Im Johr 2001 isch er Fraktionsvorsitzer vu dr Griene in dr Verbandsversammlig vum Verband Region Rhy-Necker wore un vu 2004 bis 2011 au Fraktionsvorsitzer vu dr Grienen im Mannemer Gmaindsrot.

Bi dr Landdagswahl 2006 het er kandidiert, isch aber nit gwehlt wore. Anne 2007 isch er Kandidat vu dr Griene bi dr Wahl zum Mannemer Oberburgermaischter gsii.

Bi dr Landdagswahl z Bade-Wirttebärg 2011 het er mit 29,6 % vu dr Stimme s Diräktmandat im Wahlkrais Mannem II gwunne un isch dodermit in dr Landdag vu Bade-Wirttebärg gwehlt wore. Dert isch er Mitglid im Umwältuusschuss un im Verchehrsuusschuss. Derzue isch er stellverdrättend Mitglid im Finazuusschuss, im Wisseschaftsuusschuss, im sozialussschuss, im Innenuusschuss, im Uusschuss fir dr ländlig Ruum un im Ständigen Uusschuss. Är isch verchehrsbolitische Sprächer vu syre Fraktion un Sprächer fir Atom- un Chohlenenergy.

Sunschtigs Engaschmänt[ändere | Quälltäxt bearbeite]

  • Mitglid im Ufsichtsrot vu dr MVV GmbH
  • Mitglid im Ufsichtsrot vu dr MVV Energie aG
  • Mitglid im Ufsichtsrot vu dr Rhein-Neckar-Verkehr GmbH (RNV) GmbH
  • Mitglid im Ufsichtsrot vu dr Rhein-Neckar Flugplatz GmbH
  • Mitglid im Ufsichtsrot vu dr Mannheimer Parkhausbetriebe (MPB) GmbH
  • Mitglid im Ufsichtsrot vu dr ABG Abfallbeseitigungsgesellschaft mbH, Mannheim
  • Mitglid im Bund für Umwelt und Naturschutz Deutschland e.V., 1978 bis 1999 Vorsitzer vu dr Kraisgruppe Mannem
  • Mitglid im Deutschen Bund für Vogelschutz / Naturschutzbund Deutschland (NABU) e.V.
  • Mitglied vu MetropolSolar Rhein-Neckar e.V.
  • Mitglid im Verkehrsclub Deutschland (VCD)
  • Mitglid im Landesnaturschutzverband Baden-Württemberg (LNV)
  • Mitglid in dr Deutsche Umwelthilfe e.V.
  • Mitglid bi Biotopia Arbeitsförderungsbetriebe gGmbH
  • Mitglid in dr TSG Seckenheim e.V.
  • Mitglid vum Heimatmuseum Seckenheim e.V.
  • Mitglid im Förderverein Altes Rathaus Seckenheim e.V.
  • Mitglid im Förderverein der Seckenheimer Schule e.V.
  • Mitglid im Förderverein der Stadtbücherei Seckenheim e.V.

Persenligs[ändere | Quälltäxt bearbeite]

Dr Wolfgang Raufelder isch evangelisch un ghyrote. Är het zwai Chidern un läbt mit syre Familie syter anne 1998 z Mannheim-Seckenheim.

Weblink[ändere | Quälltäxt bearbeite]

 Commons: Wolfgang Raufelder – Sammlig vo Multimediadateie