Witischutzzone
D Witischutzzone isch e kantonali Landwirtschafts- und Schutzzone i dr Witi nördlich vo der Aare zwüsche Gränche und Soledurn. Dr gröschti Beriich drvo isch d Gränchner Witi oder Gränchewiti. D Witi gilt als Hasechammere von dr Schwiiz, wills dört no verglichswiis vieli Fäldhase giit. Aber au selteneri Vogelarte wie dr Kiebitz und d Fäldlerche chönnt dört no uuf offnem Fäld brüete. Das, will nur en schpeziell gfördereti extensivi Landwirtschaft, wo Rücksicht uuf d Natur nimmt, betriibe wird. D Schwiizer Landesregierig het d Witi zuedem zum Wasser- und Zugvogel-Reservat vo nationaler Bedüütig erklärt. Nebscht dr naturnahe Bewirtschaftig isch in dr Witi au en naturverträglichi Naherholig für d Mensche gwährleischtet. Au s angrenzende Aareufer schtoht unter Naturschutz.
Quelle
[ändere | Quälltäxt bearbeite]Kantonsverwaltig Soledurn: Kantonale Landwirtschafts- und Schutzzone Witi - Projekt zur Erhaltung einer einmaligen Landschaft