S Wildt'sche Huus

S Wildt’sche Huus am Petersblatz.

S Wildt’sche Huus isch e Patrizierhuus z Baasel.

Dialäkt: Baseldütsch

S Huus isch im 18. Joorhundert vom Archidekt Johann Jacob Fechter am Petersblatz 13 im Ufdraag vom Siidebandfabrikant Jeremias Wildt-Socin (1705–1790) baut worde. Dr Wildt-Socin het in dr an dr Nöje Vorstatd, dr hütige Hebelstrooss, si Woon- und Gschäftshuus gha.

S Stadtpalä isch für d Dochder vom Wildt, d Margaretha, baut worde. Es isch iigrichdet mit Spiegel, Schmineeiifassige und Konsoldisch vom Bärner Bildhauer Johann Friedrich Funk (I.). Im Salon und im Ässzimmer stöön Durmööfe us dr Fayence-Manufaktur Frisching z Bärn.

S Wildt’sche Huus ghöört sit 1951 ere Stifdig und isch hüte dr Sitz vo dr Schwizerische Akademii vo de Medizinische Wüsseschafte. Mä brucht s au für Aaläss vom Baasler Regierigsroot, vo dr Uniwersidäät Baasel und vo Brivaate.

Litratuur

• Hermann von Fischer: FONCK A BERNE. Möbel und Ausstattungen der Kunsthandwerkerfamilie Funk im 18. Jahrhundert in Bern. 2. Uflaag. Stämpfli, Bärn 2002, S. 181–190.
• Andreas Staehelin, Brigitte Meles: Das Wildt’sche Haus in Basel. Gesellschaft für Schweizerische Kunstgeschichte, Bärn 1995, ISBN 3-85782-583-9.

Weblingg

 Commons: Wildtsches Haus, Basel – Sammlig vo Multimediadateie

• Website öber s Wildt’schen Huus
• Bilder vom Wildt’sche Huus in dr Bilder-Daatebank vom Kanton Basel-Stadt

47.55964427.5831946

Dä Artikel basiert uff ere fräie Übersetzig vum Artikel „Wildt’sches_Haus“ vu de dütsche Wikipedia. E Liste vu de Autore un Versione isch do z finde.