Wikipedia Diskussion:Benutzersperrung

Seiteninhalte werden in anderen Sprachen nicht unterstützt.
Us der alemannische Wikipedia, der freie Dialäkt-Enzyklopedy

Ich deed zùm Abschdime voruusseze, as mer scho vor em Sperraadraag aagmälded gsii isch ùn die zee Bearbaidige au scho vor em Sperraadraag gmachd ghaa hed. As nieme, wän er mid eme Sperraadraag bedrood isch, e baar Kollege (oder Chaschberlibùbe, wù mer nid glyy erkänd) mobilisierd, wù sich gschwind aamälde, zee Bearbaidige mache ùn eso 25 % Contra-Schdime zämegriege. Eso ne Verfaare chaa sich jo bis zue zwoo Wùche hiizie. --Holder 06:59, 7. Mär. 2009 (MEZ)[Antwort gee]

Fänd ich au guet so. Uf dr änglische Wikipedia sait mer denne Meatpuppets, was zwar nüt verbote isch aber als uufiin gilt. --Chlämens 21:07, 7. Mär. 2009 (MEZ)[Antwort gee]

Sperrig vu IPs[Quälltäxt bearbeite]

Es git fier Firefox netti Erwitterige, wo mer iber e Proxy-Server ins Netz go cha. IP-Adresse werre zuedem in dr Regel dynamisch vergä, dr Anwender cha sich au iber öffetlichs WLAN iwähle. Als nächschtes sperrt mer also z.B. FR-WLAN oder d'Uni Friburg? E permanenti Sperrig vu IP-Adresse isch peinlich. --W-j-s 11:12, 7. Mär. 2009 (MEZ)[Antwort gee]

Ich denk mer muess Sätz wie "Chaschperlifigure un IP-Adresse werre uubefrischtet gsperrt" so interpretiere dass natürli bloss s Konto gsperrt wird, un d IP numme churzfrischtig (en Daag oder e Wuch), des müsst mer noo prezisiere. Falls e Person d Sperre mit IP-Adresse wott umgoo cha mer in der Tat wenig mache usser solang churzfrischtig sperre oder Syte halbschütze bis es ufhört. --Chlämens 18:20, 7. Mär. 2009 (MEZ)[Antwort gee]
Es isch klar, dass mer Troll-Accounts sperre sott. Die meischte IP-Trolle sin jo au nit die hellschte un wisse nit, dass mer, wemmer d'Internetverbindig underbricht, bi dr nächschte Iwahl e neii IP kriegt.
Aber gang devu us, dass ebber, wo uf ere Diskussionssite ebbis, au provokant, inischribt, so ebbis eher weiss. IPs z'sperre isch eifach problematisch. In dr Regel dirft bi Script-Kiddies e halbe Dag meh wie länge, wil sälli Sorte Lit verliert gli d'Luscht an ebbis.
Was mer aber mit so eme Komplexbeladene Psycho mache sott, wo sich derzitt bi uns umtribt un ebbis iber dr ditsch Benutzer Complex los losst, weiss i au nit. Am beschte ihm dr Rot gä, sich emol zue eme guete Seeleklempner z'begäbbe. --W-j-s 19:59, 7. Mär. 2009 (MEZ)[Antwort gee]
Der lost sicher au nöd uf so en Tip (wenns au de einzig richtig isch ;-)). S hilft eigentlich numm hartnäckig bliibe, witerhin schperre u de Vandalismus reveriire. --Brian 20:07, 7. Mär. 2009 (MEZ)[Antwort gee]
Passet uf! Des isch joo en persönliche Aagriff!;-). Bi so penetrante Vandale wie däm hilft allerdings würchli bloss en langer Geduldsfade. --Chlämens 21:07, 7. Mär. 2009 (MEZ)[Antwort gee]
Wieso Agriff? I hab doch numme e Vorschlag gmacht, wie mer dem Mensch helfe chännt. Wer so hartnäckig wie sälle do si Uwese tribt, der isch krank un brucht Hilf. Un numme dur drastischi Wortwahl wird so ebberm villicht bewusst, dass si Tribe nit normal isch. Schocktherapi ebe. ;-) --W-j-s 22:17, 7. Mär. 2009 (MEZ)[Antwort gee]

Ich haa noo e paar Sache ergänzt wie in de Ywänd bisher erwäänt. Un zwar:

  • Mer muess scho vor em Aatrag stimmberichtigt gsi sy, sunscht chönnt d Abstimmig vo beide Syte durch Meatpuppets manipuliert werre.
  • Präzisiert dass de Versuech e Sperre z umgoo automatisch zunere Verlängrig bzw Usdennig vo dr Sperre füert. Des isch uf dr änglische Wikipedia so vil ich weiss au so.
  • IP-Adresse sött mer nüt uubefrischtet sperre. --Chlämens 21:57, 7. Mär. 2009 (MEZ)[Antwort gee]

Ich ha d Regle zer Stimmberächtigung noch däre Diskussion konkretisiert. --Dr Umschattig red mit mir 19:27, 20. Mär. 2009 (MEZ)[Antwort gee]