Wikipedia:Benutzersperrig

Us der alemannische Wikipedia, der freie Dialäkt-Enzyklopedy

Dr Zweck vo dere Syte isch es Benutzer, wo vorgworfe wird gäge d Grundprinzipie vo dr Wikipedia (wie z.B uf Wikipedia:Artikel un Wikipedia:Profil) z verstosse, d Schrybrächt z entziehe.

Des Verfaare, wo do bschrybe isch, gilt au für Aaträg, eme Ammanne oder Bürokrate d Rächt furtznee, mit em Unterschid, dass defür numme e eifachi Mehrheit nötig isch.

Zume en Aatrag stelle muess mer zerscht:

  • Unte uf dere Syte en Abschnitt mitem Name vum Benutzer, wo sich dr Aatrag gege wändet, erstelle.
  • Imene Absatz e Begründig für d Sperre schrybe, mit Verwiis uf d Bearbeitige vum Benutzer, wo e Sperre notwändig mache.
  • Vorschloo wie lang d Sperre söt dure.
  • De Benutzer uf synrer Diskussionssyte uf de Aatrag ufmerchsam mache.
  • De Benutzer cha sich denoo uf derre Syte zum Aatrag üüsere.
Wenn fängt d Abstimmig aa?

E Abstimmig über en Aatrag fängt aa:

  • Mit dr Stellungsnamm vum Benutzer.
  • 24 Stunde nooch dr erschte Bearbeitig vum Benutzer noochem Hywys uf de Aatrag.
  • Ei Wuch noochem Hywys, falls de Benutzer inaktiv blybt.

Solang dr Aatrag läuft, sött de Benutzer entsperrt blybe.

Wär ka abstimme?

Es gälte d Regle vo Wikipedia:Stimmberechtigung.

Wenn isch en Aatrag aagnoo?

D Abstimmig läuft ei Wuch, en Aatrag isch mit ere Dreiviertelmehrheit aagnoo. D Sperre cha denoo vumene Ammanne, wo nüt mitem Aatragsteller identisch isch, vorgnoo werde.

Wenn derf mer ohni Aatrag sperre?[Quälltäxt bearbeite]

Falls en Benutzer oder IP-Adress eidütige Vandalismus betrybt un kei Wille zur enzyklopädische Mitarbeit z erkenne isch, derf en e Ammann au ohni Aatrag unbefrischtet sperre. Für Benutzer, wo noo dr Wille zur enzyklopädische Mitarbeit z erkenne isch, wo aber churzfrischtig Schade aarichte oder durch persönlichi Beleidige uffalle, cha e churzi Sperre verhängt werde. Im Zwiifelsfall gilt doo aber: Mit dr Gmeinschaft abspreche oder en Aatrag stelle.

IP-Adresse sötte im Regelfall numme für e churzi Zit gsperrt werde. Sunscht bstoot d Gfoor, dass Lüt, wo spööter emool mit derre Adress schaffe, in Mitleideschaft zoge were.

Was isch, falls en Benutzer versuecht d Sperre z umgoo?[Quälltäxt bearbeite]

Falls en Benutzer, wo durch en Aatrag scho gsperrt worde isch, d Sperre durch Zweitkonte (Chaschperlifigure) oder als IP-Adress versuecht z umgoo, werde die Chaschperlifigure sofort gsperrt. Falls s Hauptkonto numme für e bstimmti Zit gsperrt worde isch, noo wird d Sperrduur bim erschte Mool automatisch verlengret, falls erwiise isch, dass de Benutzer d Sperre versuecht z umgoo. Bim zweite Mool wird d Sperre uf uubefrischtet (= für immer) usdännt.

Name vum Benutzer[Quälltäxt bearbeite]

Begründig vum Aatragssteller
Sperrfrischt
Stelligsnamm vum betroffene Benutzer

Pro[Quälltäxt bearbeite]

Contra[Quälltäxt bearbeite]

Neutral[Quälltäxt bearbeite]

Diskussion[Quälltäxt bearbeite]

Archiv