Wikipedia:Achtig gee uf s Urheberrächt

Us der alemannische Wikipedia, der freie Dialäkt-Enzyklopedy

D Wikipedia böut e „freji“ Enzyklopedii uf, wu e jede cha kopiere un wyter verbreite. Us däm Grund isch e korrekte Umgang mit em Urheberrächt bsundersch wichtig.

Die Syte erklärt, wu Du sottsch druf Achtig gee, wänn Du främd Material in Wikipedia-Artikel witt verwände, un wie Du d Bstimmige vu dr Lizänz innerhalb vu dr Wikipedia chasch yyhalte, wänn Du z. B. Deil vu Artikel in anderi Syte wettsch dryykopiere. Wie mer Wikipedia-Inhalt enaimen andersch cha verwände, isch in dr Lizänzbstimmige bschribe.

Zentrali Hiiwys:
Alli Byträg in dr Wikipedia stehn unter dr Creative Commons-Lizenz Attribution-ShareAlike 3.0 Unported (CC-BY-SA 3.0 Unported). Bi jedere Bearbeitig versicheresch Du, ass Du dr Tekscht sälber verfasst hesch, ass er gmeinfrej isch oder ass dr Rächtinhaber Rechtsinhaber dr Lizänzierig unter dr "Creative Commons-Lizenz Attribution-ShareAlike 3.0 Unported" zuegstimmt het. Bitte gib in dr Zämmefassig oder im Artikel Dyyni Quälle aa un wys u. U. uf dr jewylige Diskussionssyte druf hii, wänn dää Tekscht scho naimen anderscht vereffentligt wore isch. Wänn Du imfall nit witt, ass Dyy Tekscht gänderet un verbreitet wird, no tue ne nit spychere!
Gib au Acht, ass Dyyni IP-Adräss bzw. Dyy Benutzername in dr Versionsgschicht effentlig mitprotokolliert wird (lueg d Dateschutz-Richtlinie).

Zue Versteß gege s Urheberrächt vu dr Wikipedia dur anderi lueg Wyternutzig.

Urheberrächt bim Schrybe un Erwytere vu Artikel[Quälltäxt bearbeite]

Abschrybe un Kopiere isch eifach, aber främde Tekscht un Bilder sin in dr Regel dur d Urheberrächt vu däm främde Autor gschitzt. Wäge däm giltet as Grundsatz in dr Wikipedia:

Verwänd nie Material, wu urheberrächtlig gschitzt isch, ohni d Yywilligung vu dr Rächtinhaber! Du schadest dodermit dr Wikipedia!

In däne Fäll derfsch främd Tekscht- un Bildmaterial bruche:

  • Dr Autor het s Material uusdricklig as Public Domain bzw. gmeinfrej fir e Nutzig frejgee. Des cha nume dr Urheber sälber, kei Dritte, wu z. B. d Erlaubnis zuen ere Vereffentlichung (Verwärtigsrächt) het. Frejgee cha s aber au eber, wu s uusschließlig Nutzigsrächt het, z. B. dr Arbetgeber bi aagstellte Fotografe.
  • Dr Autor stellt syy Material uusdricklig unter dr Creative Commons-Lizenz Attribution-ShareAlike 3.0 Unported – un dodermit zur Verwändig in dr Wikipedia – z Verfiegig.
  • Tekscht un Lichtbildwärk (§2 UrhG [D]; Art. 2 URG [CH]; §2 URhG [A]), wu dr Urheber dervu syt 70 Johr oder lenger dot isch (§64 UrhG [D]; Art. 29 URG [CH]; §60 UrhG [A]). Doderzue git s d Bildrächt-Hilf.
  • Bilder, Musik un Tön unter ere Creative-Commons-Lizänz, wu e gwärbligi Nutzig un Bearbeitig zueleen, wäre au akzeptiert. Fir Tekscht wäre usser dr CC-BY-SA 3.0 Unported-Lizenz keini anderi Creative Commons-Lizänze zuegloo. Wänn d Lizänz d Nännig vu dr Autore vorschrybt, no mien die uf dr Bildbschrybigssyte gnännt wäre.

E Ibernahm vu Bilder (au us Wikipedia in andewre Sproche) verlangt di uusdricklig Nännig vu dr Quälle, vum Autor un vu dr Lizänz. Doderzue git s Bildbschrybigssyte. S längt, wänn e Link uf d Bildquälle un imfall uf d Homepage bzw. uf d Benutzersyte vum Autor/Urheber gsetzt wird.

Fair Use vu Bilder wie im US-amerikanische Rächt isch in dr Alemannische Wikipedia nit megli, wel s des noch dytsche Rächt, noch em Schwyzer Rächt un au noch em eschtrychische Rächt nit git. Fir bsundrigi Fäll wie Logo oder Wappe git s do Erklärige: Wikipedia:Bildlizänz-Hilf.

Reini Fakte chenne natirli ibernuu wäre.

Urheberrächtsverletzige (URV)[Quälltäxt bearbeite]

Tekscht un Bilder, wu in d Wikipedia dryygsetzt wäre, un wu nit di lizänzrächtlige Voruussetzige erfille (fir Tekscht Creative Commons-Lizenz Attribution-ShareAlike 3.0 Unported oder gmeinfrej, fir Bilder au no bstimmti anderi Creative Commons-Lizänze oder unter Umständ au "Fair use“), wäre in dr Wikipedia Urheberrächtsverletzig (URV) gnännt.

Au wertiligi Iberstzige vu Tekscht in s Alemannisch sin e URV, wänn dr Originaltekscht nit frej isch.

Bi Artikel, wu s e konkrete Grund fir e URV-Vermuetig git, muess dr Artikeltekscht muess dur dr Böustei {{URV}} [URV-Quälle (gnaui Webadräss oder Literaturaagab)] --~~~~ ersetzt un mit ere Quälleaagab versäh wäre.

Wänn sich d URV-Vermuetig bstätigt, muess dr Tekscht oder s Bild glescht wäre. In dr Versionsgschicht mien derno d Versione, wu s dä Tekscht oder s Bild din het, vun eme Ammann glescht wäre.

Wikipedia: Eigetum an Artikel