Wikipedia:Treffen der Wikipedianer/Sommertreffen 2008/Protokoll

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

Termin: Samschtig, 23-24. Augschd 2008
Mir hän is vùm 23. Augschde 2008 ùf dr 24. Augschde z Hittni im Zürcher Oberland drofe ùn iber verschiidene Theeme dischbedierd. Derbyy gsii sin dr Albärt us em Briisgäu, dr al-Qamar us em Toggeburg, dr Chlämens vum Hochrhy, dr Melancholie usem Allgai, dr Stephele us em Elsass, dr Strommops vù Lörrach ùn dr Holder us em ùndere Maarggreeflerland.

Bschlis[Quälltäxt bearbeite]

Bschlis vùm Sùmerdräfe[Quälltäxt bearbeite]

  • Ali Bschlis vù däm Sùmerdräfe wääre in dr Wikipedia verefendligd. Wän eber ebis geege ain vù dääne Bschlis hed, sol er e Diskussion z. B. ùf em Stammtisch aafange.

Zändraali Syde[Quälltäxt bearbeite]

  • S hed e Dail wichdigi Syde bi dr Projektsyde, Spezialsyde, z.T. uf Commons und Meta, wù im e zimli schläächde Alemannisch gschriibe sin. Dää, wù derzyd hed, sol ùn dèrf die Syde ändere oder au ganz nèi schryybe. Bi Artikel im Hauptnamensruum, wù im e schläächde Alemannisch gschriibe sin, sol mer zèèrschd d {{Fehlerhaftes Alemannisch}} yyseze ùn di schbroochlige Fääler diskutiere.

Jooreszaale[Quälltäxt bearbeite]

  • S hed e Hufe Artikel zue ainzelne Jooreszaale. Zem Dail sin s Artikel, wù weenig din schdood, zem Dail gar nyd zue Gschäänis us dr Alemania ùn di maischde sin nùme Ibersezige us dr hoochdydsche Wikipedia. D Diskussion, eb mer soonigi Artikel nid ganz leschd, sol wider ùfgrife ùn us em Archiv ghoold wääre. Lueg doo [1]
  • Verglaichige (Verlinkige) im e Artikel ùf ainzelni Jooreszaale sin nimi gwinschd.

Artikel ùn Lischde mid vyyl roode Glaicher (Link)[Quälltäxt bearbeite]

  • Chrischdbaimli-Artikel sin nid gwinschd. Di maischde Artikel ùn Lischde mid vyyl roode Glaicher blyybe rood, wel niemes derzyd hed, zue dääne ganze Verglaichige au no Artikel z schryybe. Dää, wù derzyd hed, sol ùn dèrf die ganze Glaicher uuse nee.

Richtlinie[Quälltäxt bearbeite]

S hed jez e Voorlaag „Offizielle Richtiline“. Lueg z. B. doo

Wie archaisch sol ùnser Alemanisch syy?[Quälltäxt bearbeite]

  • Die Froog isch dischbedierd woore iber em Artikel Wiä schriib ich guets Alemannisch?.
  • Mir ùnderschaide zwische Chaa-Bschdimige ùn Mues-Bschdimige:
  • Mues-Bschdimig (mues gändered wääre) haisd: Forme, wù vù Gmainschafd nid as Alemanisch akzeptiert wääre, sole gändered wääre (zèrschd mid dr Voorlag „Fehlerhaftes Alemannisch“). Dr Autor vùm Artikel mues des akzeptiere.
  • Chaa-Bschdimig (chaa gändered wääre) haisd: Forme, wù vù vyyl Lyd vilichd nid as gueds Alemanisch aagsää wääre, wù aber midlerwyyli im modärne Dialäkt z finde sin, dèrfe gändered wääre, aber dr Autor dèrf verlange, as syyni (modärn) Form byybhalde wird.
  • Mues-Bschdimige sin:
    • Genitiv
    • Präteritum (user „war“)
    • Aifachi Relativsätz
    • Partizip Präsens in Satzkonschtruktione
    • Präpositione bi Ordsaagoobe („z Züri“ vs. „in Züri“)
    • D Schryybwyys „ie“ wird nid akzeptiert fir e lang i.
  • Chaa-Bschdimige sin:
    • Komplizierteri Relativsätz
    • Aifachi Partizip Präsens
    • Präteritum vù syy („war“)
  • Uusnaame: Wän im e Dialäkt soonigi Foorme normaal sin, dèrf mer die Foorme bruuche, aber des sin regionali Uusnaame, z. B. „in Stroosburi“ im Noorde vù dr Alemannia, im Elsass, in dr Ortenau, z Schwoobe oder dr Genitiv in e Dail Walliser ùn Walser Gmaine ganz im Siide.
  • Dr Absaz „ä oder e: S'Schwa“ im Artikel Wiä schriib ich guets Alemannisch? sol gleschd wääre, ä as Schryybig fir s Schwa wird akzeptiert.
  • Glaich vs. Link: Dr Uusdrùg „Glaich“ fir Link bzw. Weblink wird empfoole, aber s gid kai Zwang, d. h. im Normalfal sol mer des nid ändere.

Bilderlizänze[Quälltäxt bearbeite]

  • Mir akzeptiere nùme gängigi Wikipedia-Lizänze (z. B. GNU), kaini Privatabmachige mid Fodograafe. Ali Bilder sole im Normalfal vù dr Commons bschdeedigd wääre. Dr Albärd good di froogliche Bilder ùf ùnsere Bilderlischde dùre.

Wikiheftli[Quälltäxt bearbeite]

Plagiat/Urheeberrächdsverlezig[Quälltäxt bearbeite]

  • Ali Artikel, wù ganz oder dailwyys wèrdlig vù me rächdli gschizde Tegschd ibernùù oder au nùme ibersezd sin, mien gleschd wääre! S gid e Yydrag dooderzue in dr Richtlinie.

als/gsw-Broblääm[Quälltäxt bearbeite]

  • Im Momänd wird nyd ùndernùù, wel s chend syy, as di alemanisch Wikipedia in dr hoodydsche Wikipedia, derno ùnder g ùfgfierd wird, wel dèrd d Raiefolg noch em Chiirzel good. As mir im Normalfal dr èrschd Interwiki-Glaich sin, wän mir nid gändered haa.
  • S isch aarg ùùwaarschyynli, as s Toskisch, wù s Chiirzel als bi dr ISO derfir schdood, emool e aigeni Wikipedia griegd, wel di albaanisch Schdandardschbrooch böud ùf em Toskisch ùf.
  • Mer chend e Aadrag schdele an die Organisation, wù die ISO-Chiirzel vergid, as die falsch Ùnderdailig (Schwyzerdydsch - gsw, Walserisch - wae, Schweebisch - swg ùn Alemán Coloniero - gct) gändered wird ùn s Alemanisch derno e nèi Chiirzel iiberchùnd. Dr Chlämens wed emool luege.

Anderi Projäkt[Quälltäxt bearbeite]

  • D Projäkt Wikibooks, Wiktionary, Wikisource sin jez emool zue ùns verschoobe. Solang as nieme wirgli draa schafd, bruuche mer die Projäkt nid. Mir hän scho z weenig Lyd, wù an dr Enzyklopädie midschafe. S Ainzig, wù als sinvol aagsää wird, isch s Wèèrderbuech, aber doo bruuchd s ùmbedingd eber, wù derzyd hed, as Amann (Administrator) des Wèèrderbuech z iberwache.

Diskussions-Chlima[Quälltäxt bearbeite]

  • Dr Albärt hed e Ergänzig zem Brofil gschriibe, wel s Chlima in e Dail Diskussione in dr ledschde Zyd eweng rau gsii isch.
  • Wän e Amann in ere Diskussion pèrseenlig aagrife wird, no sod er nid dää ander Nùzer (User) sälber schbèère, sùndere s sol e andere neutrale Amann mache.
  • Eb e Nùzer in dr alemanische Wikipedia gschbèèrd wird, sod nid vùm syym Verhalde oder Schbèèrige in andere Wikipedie abhänge, s sol nùr vùm Verhalde bi ùns abhänge.
  • Bi Vandalismus oder Diskussione, wù ùnder em Niveau vù dr Alemanische Wikipedia sin, sol dää Nùzer nid glyy fir s ganz Lääbe gschbèèrd wääre, s sol Schduufe gee, z. B. zèrschd schbèère fir ai Daag, fir zwoo Wùche, fir s ganz Lääbe. Die gnau zydlig Yydailig vù dääne Schduufe bruuchd nid extra uusghandled wääre.

Patroulierfunktion[Quälltäxt bearbeite]

  • D Patroulierfunktion sole in Zuechùmbfd au Nid-Amanne chene ibernee. Dooderfir chaa mer si zuer Waal schdele. Patroulierer sole nùme Nùzer chene wääre, wù scho lenger an dr Wikipedia midschafe ùn wù mer siid, as si guedi Aarbed glaischded hän.
  • As Schbroochreeglig in dr alemanische Wikipedia wird voorgschlaa:
    • Patroulierer = Fäldhieder/Feldhüeter
    • Artikel isch patrouliert = Artikel isch vùm Fäldhieder gsää.

Stabili Artikelversione[Quälltäxt bearbeite]

  • Isch beaadraid bi dr Wikimedia, bruuchd aber no ne baar Mooned. Im Momänd bruuche mer des aber nid. Mir hän eso weenig Lyd, as mer kaini Kapazitäte hän fir Artikel z briefe. Wän die Funktion chùnd, wird si zèèrschd emool uusbländed, bis zue dr negschde Diskussion.

Sùnschdigs[Quälltäxt bearbeite]