Wikipedia:Sei grausam

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Jean-Baptiste-Camille Corot 037.jpg

Bii wiescht heisst, ass mer sich in dr Alemannische Wikipedia nit alles muess gfalle loo.

D Wikipedia läbt dervu, ass im Prinzip e jede alles derf un ass e jedem guete Wille unterstellt wird. Ohni des Grundvertröue gäb s d Wikipedia nit. Aber nume wel mir vun eme guete Wille uusgehn, heißt des no lang nit, ass schlächti Aktione toleriert wäre.

Wänn eber schyns nit zue dr Wikipedia will byytrage oder s nit cha, no git s kei Grund, wurum är d Zyt un d Energii vu andere Autore sott binde. Wänn eber vandaliert, no wys e druf hii, wänn er wyter macht, no sorg derfir, ass er gsperrt wird.

Wänn eber permanänt syni speziälle Sichtwyse verbreite will, no wys e druf hii, ass es fir sonigi Zwäck besseri Megligkeite im Internet git. Wie in jedem Wiki git s au in dr Alemannische Wikipedia s Rächt ufzhere un z goh. Erklär, ass des wirkli ne Rächt isch, wel au ne Vandal eso villicht besser dermit cha läbe. Bii heflig, aber konsequänt.

Vermyd Diskussione, wu sich im Ringrum drille, wel die fruschtriere vil Lyt un hälfe niemerem. Dänk dra, ass jedi Diskussion au vu andere Wikipedianer gläse wird un däne villicht Wikistress verursacht. Wänn in ere Diskussion alli Argumänt uustuscht wore sin, no isch die Diskussion fertig. Spetestens, wänn s nume no dodrum goht, wär was zue wäm gsait het, no isch dää Punkt erreicht.

Un wänn alli Hiiwys un Diskussione nyt ghulfe hän un eber dr Alemannische Wikipedia meh schadet wie nutzt – egal eb us ere bese Absicht oder wel er s nit besser cha –, no sott er ufhere un d Wikipedia in Ruei loo, am beschte frejwillig. Wänn eber gsperrt wird, cha des derfir sorge, ass er goht, s cha aber au s Gegeteil verursache un är chunnt as Troll wider.

S isch schen, ass di Alemannisch Wikipedia fascht immer e gueti Gmeinschaft isch. Aber in dr Hauptsach sott do ne freji un neutrali Enzyklopedii entstoh. Wär des Ziil nit teilt, isch do falsch.

Vil Freid, Muet, Entschlosseheit und Unterscheidigsvermege!