Wèllèdingè
|
Dä Artikel befasst sich mit eim Stadtdeil vo Bõõdorf (Schwarzwald). Lueg au Welledinge, wo è Gmeind im Landchrais Rottwyl isch. |
| Wèllèdingè Stadtgmeind Bõõdorf
| |
|---|---|
 | |
| Höhe: | 745 m |
| Flechi: | 679 ha |
| Iiwooner: | 523 |
| Iigmäindig: | 1. Juni 1972 |
| Postleitzahl: | 79848 |
| Vorwahl: | 07703 |
Wèllèdingè (amtlich Wellendingen) isch èn Stadtdeil vo dè Stadt Bõõdorf im Landchrais Waldshuèt z Badè-Württèbärg
Geography
[ändere | Quälltäxt bearbeite]Wèllèdingè lyt im Südoschtschwarzwald zwûschè Bõõdorf un èm Wuètèdal bi Stüèlingè. Ußerdèm lyt s Dorf am Obberlauf vom Mèrèbach. S Mèrèbachdal volauft zwüschè sanftè Büggel vo dè Bõõdorfer Höchi ewäg bis zum untèrè Dorfrand, wo s Dal schmal wörd un i è Schlucht übbergòt. Z mitts im Dorf bildèt dè Mèrèbach è Dreiegg, i dèm innè s Gaschthuus Inslè lyt.
Gschichte
[ändere | Quälltäxt bearbeite]Ort
[ändere | Quälltäxt bearbeite]Wèllèdingè isch èrschtmòs im Johr 1352 in èrè Urkundè erwäänt worrè, un zwar als Welelingen. Dè Nammè gòt vomuètlich uff d Bezeichnung Bi dè Aaghörigè vum Wahilo odder Walhilo zrugg. Wèllèdingè isch zèrscht a d Grõfè vo Lupfè, denn a d Hèrrè vo Mörschpèrg un 1609 a s Kloschter St. Bläsy vokauft worrè. S Dorf im Mèrèbachdal hèt dõmòls zu dè „füüf Flèckè“ um Bõõdorf ummè zellt. Im Johr 1806 isch Wèllèdingè è selbschtändigi badischi Gmeind worrè, èrscht vor dè Gmeindeform, im Johr 1972, hèt sich Wèllèdingè freiwillig a d Stadt Bõõdorf aagschlossè.
Wappè
[ändere | Quälltäxt bearbeite]S deilte Wappè vo Wèllèdingü zeigt rächts èn uffschtygendè Hirsch, s Zeichè für d Hèrrschaft vum Kloschter St. Bläsy un links obbè isch s Stammwappè vo dè Lupfener Hèrrschaft, unnè links mörsbärgische abbildet.
Vokeer
[ändere | Quälltäxt bearbeite]Wèllèdingè lyt a dè B 315 unterhalb vo Bõõdorf, d B 315 gòt durch s Dorf durrè. Wõrènd d B 315 vo Bõõdorf hèr durch s lycht abschüssige Obbere Mèrrèbachdal dehèr chunnt, gòt si ab èm unterè Dorfrand vo Wällèdingè i dè Mèrrèbachschlucht bis zuè dè Dillèdorfer Sägi witter. Knapp unterhalb vo dè Dorfmitti zwygt d L 170 ab, d Alpschtrõß, uff dè Wägwyser au als Panoramaschtrõß aagschribbè. D Alpschtrõß gòt vom Dalboddè wäg übber dè sognannte Wällèdinger Stich bis uff d Alphöchi bim zum Obberholz, wo i dè Nöchi vom Obberwangèmer Wyler Sparrèbärg lyt, un vo dort witter übber dè Golfblatz bi dè Obberè Alp, s Naturschutzgebièt Spièßèbärg un witter bis Stüèlingè.