Wàttwiller

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Wàttwiller
 Grand Est
WattwillerdepuisNodelberg.jpg
Blason de la ville de Wattwiller (68).svg
Verwàltung
Land  Frànkrich
Region  Grand Est
Département Haut-Rhin (68)
Arrondissement Thann-Guebwiller
Kànton Cernay
Kommünàlverbànd Thann-Cernay
Àmtliga Nàma Wattwiller
Maire Raphaël Schellenberger (2014-2020)[1]
Code Insee 68359
Poschtlaitzàhl 68700
Iiwohner
Iiwohner 1.656
Flech 13,61 km2
Bevelkerungsdicht 125,35 Iiw./km2
Làg
Koordinate 47° 50′ 11″ N, 7° 10′ 48″ E / 47.836388888889°N,7.18°E / 47.836388888889; 7.18Koordinate: 47° 50′ 11″ N, 7° 10′ 48″ E / 47.836388888889°N,7.18°E / 47.836388888889; 7.18
Heche 355 m
Wàttwiller hemen kokatua: Frànkrich
Wàttwiller
Wàttwiller
Wàttwiller (Frànkrich)

Wàttwiller (IPA: [ʋɑd̥ˈʋilər], frànzeesch Wattwiller, ditsch: Wattweiler) ìsch a frànzeescha Gmeind àm Rànd vu da Vogesa ìm Arrondissement Thann-Guebwiller (Kanton Cernay) ìm Owerelsàss (Haut-Rhin). Der àktüell Maire heisst dr Raphaël Schellenberger. Der Bàrg Hàrtmànnswillerkopf (frz.: Vieil Armand), wia ìm Erscht Waltkriag a groß Schlàchtfald gsì ìsch, lìggt uff der Gmàrkung.

Wàttwiller ìsch bekànnt fìr si Mineràlwàsser.

Gschìcht[ändere | Quälltäxt bearbeite]

Wàttwiller ìsch scho ìm Neolithikum bewohnt gsì, un aui d'Reemer han do gsìdelt un zum erschta Mol d'Thermàlqualla benutzt. Wàttwiller wìrd ìm Johr 735 zum erschta Mol erwähnt, wu's der Gràf Eberhard ìm Kloschter Müarbàch gschankt hàt. Ìm Ort si dertmoliger Nàmma „Wattonvilare“ bedittet „Bürahof vum Watto“. Wàttwiller hàt noch bis zur Frànzeesche Révolution zum Fìrschtatum Müarbàch gheert. Frèhjer hàt's a Kloschter ga, wu 1336 zuma Dominikànerkloschter worra n ìsch.

Der Àbt Berthold hàt s Därfla befeschtiga lo un zwìscha 1260 un 1285 s Schloss Hìrzastei bauia. Àschliassend ìsch d'Ortschàft àls Stàdt ànerkännt worra. Wàttwiller ìsch 1376 vu da Anglander un 1468 vu da Schwitzer gstìrmt worra, vum Bürakriag ìsch's dergega verschont worra. Derfìr han ìm Drissigjehriga Kriag d'Schweda Zersteerunga àgrìchtet. 1464 ìsch Wàttwiller s Marktracht verlèiha worra.

Zamma mìt em Rascht vum Fìrschtatum Müarbàch ìsch Wàttwiller ìm Johr 1680 zu Frànkrich kumma. As hàt d'Stàdtracht ghà, bis ìm 19. Johrhundert d'Feschtung zersteert worra ìsch.

Dur sina geogràphischa Neecha zur Schlàcht àm Hàrtmànnswillerkopf hàt Wàttwiller aui unterm Erschta Waltkriag glìtta un ìsch dernoh fàscht vollstandig kàpütt gsì.

Kriagsgräberstätta üss der Zitt vu da Schlacht um der Hàrtmànnswillerkopf sìn Nécropole nationale du Silberloch - Hartmannswillerkopf, Deutsche Kriegsgräberstätte Cernay un Kriegsgräberstätte Guebwiller.

Bevälkerungentwìcklung[ändere | Quälltäxt bearbeite]

Johr 1962 1968 1975 1982 1990 1999 2007
Iwohner 879 1020 1135 1186 1506 1593 1721

Wìrtschàft[ändere | Quälltäxt bearbeite]

Bouteillewattwiller.jpg
Packs gamme first.jpg

Nawa der Produktion vu Mineràlwàsser (lüag lìnks dernawa!) un Sprudelwàsser (lüag rachts do unta!) hàt Wàttwiller a làndwìrtschaftliga Bragung; as wara vor àllem Rìnder ghàlta. Züadam wìrd Gedreida àbauie, Forschtwìrtschàft betrìwa un Wi hargsellt.

Scho zur Reemerzitt ìsch d'Qualla vu Wàttwiller gnutzt worra, wu sìch ìm Regionale Naturpark Ballons des Vosges befìndet. As hàt kei Kontàkt mìt àndra Gwässer rund uma, waga dam ìsch's frèi vu Nitràt, wenn's àn d'Owerflache kummt. Aui Nàtrium ìsch numma wenig drìnna, waga dam ìsch's vu der frànzeesche Académie nationale de Médecine àls gsundheitsferdernd ànerkännt. As hàt z Wàttwiller drèi Qualla, eina dervu lìt keina hundert Metter vum Ortszandrum awag. D'Àbfàssung vum Quallawàsser entsteht ìn a Pàrkàlàge zwìscha Ìwwerdorf un Wàld. Vu dara Stell wìrd s Wàsser dura 2 km lànga unterìrdischa Leitung mìt geniagend Fàll bis ìns Gebäi gfiahrt, wu d'ìndüschtriamassiga Flàschafìllung stàttfìndet. Do kà ma àlles – uff elsassisch - ìwwer dàs Wàttwillra Mineràlwàsser erfàhra.

Àndra Bohrunga sìn ìn da letschta Johra ìn der Neecha vu der geologischa Spàlta duragfiahrt worra, um (wàrm) Thermàlwàsser z'entdecka. Trotz Unerfolg, han dia Bohrunga känna feschtstella, dàss der unterìrdischa Wàsserspeicher gànz groß ìsch.

Pàrterschàfta[ändere | Quälltäxt bearbeite]

Pàrtnergmeinda ìsch zitter 1965 Wàsewiler, wu zitter der 1970er Johr e Ortsteil vu Ìhringa àm Kaiserstüahl ìn Südbàda ìsch.

Weblìnk[ändere | Quälltäxt bearbeite]

Referanza[ändere | Quälltäxt bearbeite]

  1. (frànzeesch) Liste des maires au 25 avril 2014 (data.gouv.fr)
Information icon.svg Dä Artikel basiert uff ere fräie Übersetzig vu dere Version vum Artikel „Wattwiller“ vu de franzeesische Wikipedia.

E Liste vu de Autore un Versione isch do z finde.