Walter Müller von Kulm
| Dialäkt: Baseldütsch |
Walter Müller von Kulm (* 31. August 1899 z Basel; † 3. Oktober 1967 z Arlese) isch e Schwizer Komponist, Dirigänt und Muusigpedagoog gsi.
Lääbe und Aarbet
[ändere | Quälltäxt bearbeite]Dr Müller vo Kulm isch z Baasel ufgwaggse und het noch ere Usbildig zum Brimaarleerer e baar Joor lang z Othmarsinge gschafft, bevor er sich erst 1927 für e Bruefsstudium am Konserwatorium Baasel entschlosse und bim Volkmar Andreae, Rudolf Moser, Gustav Güldenstein und Felix Weingartner studiert het. Druf het dr Müller vo Kulm im Ufdraag vom Baasler Kammerorkhester e baar erfolgriichi Komposizioone gschriibe. Vo 1939 bis 1954 het er d Baasler Bach-Choor gläitet. Vo 1947 bis 1964 isch er Diräkter vo dr Muusig-Akademii vo dr Stadt Baasel gsi.
Dr Müller vo Kulm het sich in verschiidene muusikpedagoogische Verbänd angaschiert (z. B. dr Schwizerisch Muusigpedagoogisch Verband (SMPV), dr Nordwestschwizerisch Choordirigänteverband (NWCHV)).
Wärk
[ändere | Quälltäxt bearbeite]- Kammerkonzert für Violine und Streichorchester (1930)
- Der Erfinder (Opere, 1944)
- Unser Vater (Oratorium, 1945)
- Liedsatz «Herr der Stunden, Herr der Tage» uf e Text vom Hermann Hiltbrunner us em Joor 1945 (Uurufgfüert am 31. Mai 1959 z Züüri)
Schrifte
[ändere | Quälltäxt bearbeite]- Grundriss der Harmonielehre. Baasel, Amerbach 1948.
Liddratuur
[ändere | Quälltäxt bearbeite]- Verena Naegele: Walter Müller von Kulm. In: Andreas Kotte (Hrsg.): Theaterlexikon der Schweiz. Band 2. Chronos, Zürich 2005, ISBN 3-0340-0715-9, S. 1291 f.
Weblingg
[ändere | Quälltäxt bearbeite]- Ausstellung zum 100. Geburtstag von Walter Müller von Kulm in der Universitätsbibliothek Basel (Memento vom 8. Jänner 2006 im Internet Archive)
- ItalianOpera.org - Walter Müller von Kulm
- Nooloss Walter Müller von Kulm in dr Universitätsbibliothek Basel