Venetisch
| Venetisch | ||
|---|---|---|
| Verbreitig: | Italie, Kroazie, Slowenie | |
| Sprecher: | 5 Millione | |
| Linguistischi Klassifikation: |
| |
| Sproochchürzel | ||
| ISO 639-1 |
— | |
| ISO 639-2 |
roa (sustigi romanischi Sprooche) | |
| ISO 639-3 |
vec | |
S Venetische (gläägentlig au Venezisch oder Venedisch; ven. Vèneto oder Łéngoa vèneta) isch e romanischi Sprooch, wo vo öbbe fümf Millione Lüt in dr Region Venezie und in Däil vo dr Region Friaul-Julisch Venezie, vom Trentino und vo Istrie gschwätzt wird. Venetisch ghöört zur Grubbe vo de norditaliänische Dialäkt. Wäge de groosse Underschiid zum Standarditaliänische wird es – grad wie die andere norditaliänische Varietääte – mänggisch as äigeständigi Sprooch aagluegt.
D Iiwooner vo Venezie und au d Sproochwüsseschaft unterschäide mäistens zwüsche vèneto (Venetisch), dr gänze Dialäktgrubbe wo alli lokale Varietääte drzueghööre, und venesiàn (Venezianisch), dr Varietäät vo dr Stadt Venedig, wo zur Zit vo dr Republik Venedig als allgemäini Koine brucht worde isch, hüte aber nume äini vo meerere bedütende Stadtvarietääte im Venetischen isch.
S romanische Venetisch sött mä nit mit dr Venetische Sprooch in dr Antike verwäggsle, wo zwüschen em säggste und em erste Joorhundert vor Christus in der Region Venezie gschriibe worde und hüte usgstorbe isch. Es isch mööglig ass si as Substratsprooch Iifluss uf s Latiinische in dere Region ghaa het und eso indiräkt au uf s romanische Venetische.
Litratuur
[ändere | Quälltäxt bearbeite]- Gianna Marcato & Flavia Ursini: Dialetti veneti. Grammatica e storia. Padova 1998. ISBN 88-8098-057-2
- Alberto Zamboni: Italienisch:Areallinguistik IV a) Venezien. In: Lexikon der romanistischen Linguistik (LRL) vol. 4, 1988, 517–538.
- Giuseppe Boerio: Dizionario del dialetto veneziano. Venezia 1829.
Weblingg
[ändere | Quälltäxt bearbeite]
- Wikisource in Venezianischer Sprache
- Venetisch uf de Site vom wüsseschaftlige Netzwärk Orbis Latinus (ängl.)
- Ardikel über s Istrovenezianische in dr Enzyklopädie des Europäischen Ostens (PDF, 136 kB)
- Sitoveneto — Uskumft über d Sprooch, uf Italiänisch, Änglisch und Venezianisch.
- Tornén un pas indrìo! — Vèneto gschriibe und gschwätzt
- Gramaticaveneta.com (Site cha nüme abgrüeft wärde; Suche im Webarchiv) Grammatik vo dr Venetische Sprooch und iire Variante
- Raixe Venete
- Ethnologue