Ulrich Fischer
Dr Ulrich Fischer (* 11. Februar 1949 z Lüneburg; † 21. Oktober 2020[1] z Karlsrue) isch en evangelische Theolog un Landesbischof vu dr Evangelische Landeschilche z Bade gsi.
Läben un Beruef
[ändere | Quälltäxt bearbeite]Dr Fischer isch im nidersächsiche Stelle ufgwachse, wun er au uf d Volksschuel gangen isch. Är het si scho frie im Chilchechoor un im Posuunechoor engaschiert un isch akjtiv gsii bi dr chrischtlige Pfadfinder. Speter isch er uf s Johanneum z Lüneburg un uf s Gymnasium z Winsen gange, wun er s Abitur gmacht het. Noch em Grundwehrdienscht het er evangelischi Theology an dr Universitete Göttingen un Heidelberg studiert. Anne 1976 het er mit dr Arbet „Studien zur Eschatologie des hellenistischen Diasporajudentums“ promoviert, wu speter unter em Titel „Eschatologie und Jenseitserwartung im hellenistischen Diasporajudentum“ erschinen isch (BZNW 44, Berlin/New York 1978). Ab 1977 isch er Bfaaser z Sandhausen un z Heidelberg-Kirchheim gsii, voreb er anne 1989 d Stell vum Landesjugedbfaarer z Bade ibernuu het. Ab 1993 isch er fir drei Johr Vorsitzer vu dr Arbetsgmainschaft vu dr Evangelische Juged in dr Bundesrepublik Dytschland (aej) gsii. Anne 1996 isch dr wurde Fischer zum Dekan vum Chilchebezirk Manne gwehlt wore.
Am 25. Juli 1997 het d Synod vu dr Evangelische Landeschilche z Bade dr Fischer im fimfte Wahlgang zum Landesbischof un Noofolger vum Klaus Engelhardt gwehlt, wu im Friejorh 1998 us us Altersgrind em Amt gschiden isch. D Amtsyyfierig vum Fischer isch am 31. Merz 1998 gsii. Ab Septämber 2000 isch dr Fischer au Vorsitzer vu dr Arnoldshainer Kumferänz gsii, wu anne 2003 in dr Union vu Evangelische Chilche (UEK) ufgangen isch. Dr Fischer isch am 18. Oktober 2003 z Erfurt zum 1. Vorsitzer vu dr UEK gwehlt un am 1. Mai 2009 z Würzburg nomo fir sechs Johr bstetigt wore.
Im Oktober 2009 isch dr Fischer in dr Rot vu dr EKD gwehlt wore.[2]
Dr Fischer het e baar theologischi Schrifte verefffetligt, unter anderem Konfirmanden gestalten Gottesdienst (1990), Der Gottesdienst soll fröhlich sein (1992) un Ver-rückte Zeiten (1995). Är isch en engaschierte Befirworter vum Naachtmohl fir Chinder.
Är isch au Kuratoriumsmitglid vum evangelikale Verain ProChrist. Syt Merz 2011 isch dr Fischer Mitglid vu dr Ethikkommission fir sicheri Energyversorgig.
Zum 1. Juni 2014 isch dr Ulrich Fischer us em Bischofsamt uusgschide und isch sither im Ruestand. Sy Noofolger as Bischof vu dr Badische Landeschilche isch dr Jochen Cornelius-Bundschuh.[3]
Dr Fischer isch syter anne 1973 mit dr Brigitte geb. Valeske ghyrote gsi un het mit ere drei großi Deechtere gha.
Weblink
[ändere | Quälltäxt bearbeite]
Commons: Ulrich Fischer – Sammlig vo Multimediadateie- Biografy uf dr Syte vu dr Badischen Landeschilche
- Ulrich Fischer (Theologe) im Stadtwiki Charlsrue
Fueßnote
[ändere | Quälltäxt bearbeite]- ↑ Früherer badischer Landesbischof Ulrich Fischer gestorben, epd.de, Meldung vom 22. Oktober 2020.
- ↑ EKD: Rat Wahlergebnisse
- ↑ Thomas Kurtz/Bruno Knöller: Neuer badischer Landesbischof erhält klare Mehrheit im letzten Wahlgang, in: Pforzheimer Zeitung vum 19. Juli 2013
|
Dä Artikel basiert uff ere fräie Übersetzig vu dere Version vum Artikel „Ulrich_Fischer_(Theologe)“ vu de dütsche Wikipedia. E Liste vu de Autore un Versione isch do z finde. |