Trans-Europ-Express

Us der alemannische Wikipedia, der freie Dialäkt-Enzyklopedy
Logo vom TEE

„Trans-Europ-Express“ (TEE) isch früecher ä Kategorie für internaziunali Schnällzüg gsii.

Vorgschicht[ändere | Quälltäxt bearbeite]

Im 1954 isch z' Den Haag d' Trans-Europ-Express-Komissiuu ggründet wordä. S' Ziel sind internaziunali Schnällzüg innerhalb vu d'r Europäische Wirtschafts-Gmäinschaft (EWG) gsii. Betäiliget hend sich d' SBB, di Düütsch Bundesbahn, di Französisch Staatsbahn, di Holländisch Ysebahn, di Belgisch Staatsbahn, di spanisch RENFE, di Öschtrichisch Bundesbahn, d' Ysebahn vu Lux'mburg und di Italiänisch Staatsysebahn.

S' Rollmaterial[ändere | Quälltäxt bearbeite]

Ä TEE vo der Baureihe 601 1986 bi Münche

Ab em 1957 hend diä Staatsysebahne mit wiirot-bëëschä Zugskomposiziuune uufgwartet, und au Loggene hend diä Farbe-n-überchuu. I d'r Schwiiz sind das äinigi Fahrzüüg vu de Buuräihe Re 4/4 I und Re 4/4 II gsii. Si sind aber auf i andere Diänscht iigsetzt wordä. Das hät sin guete Grund gchaa: Di Niderländisch Staatsbahn und d' SBB hend ab em 1957 ä Diseltriibzug mit d'r schwiizerische Bezäichnig RAm TEE I Diänscht gschtellt. De ischt speeter uf Kanada verchauft wordä. I de Sächzgerjahr isch dänn de Vierstrom-Triibzug RAe TEE II uufchuu. Diä füüf Zugeinheite händ under de vier gebrüüchliche Stromsyschtem vu Europa chänne fare. Drum het's uf jedem Motorwage vier Stromabnähmer gchaa.

S' Änd vu-n-ere Ära[ändere | Quälltäxt bearbeite]

Hüt exischtiert nur nuch äine vu denä Triibzüüg und gchört d'r SBB Historic. Di andere vier sind verschrottet wordä. Hüt git's d' Kategorie „Trans-Europ-Express“ nüm im Fahrplan. Hüt häissed di internaziunale Schnällzüg mäischtens „Eurocity“, und es git vill meh vu denä. Au d' Trans-Europ-Express sind zletscht i-n-ere graue Farb mit d'r Uufschrift „Eurocity“ underwägs gsii und hend au Zwäitklassabteil überchuu. Das het si aber nüd vor d'r Verschrottig in Kaiseraugscht bewahrt.