Den Haag

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Gmeind Den Haag/’s-Gravenhage
Flagge der Gemeinde Den Haag/’s-Gravenhage
Flagge
Wappen der Gemeinde Den Haag/’s-Gravenhage
Wappe
Provinz Südholland Südholland
Bürgermeister Jan van Zanen (Volkspartij voor Vrijheid en Democratie (VVD))[1]
Sitz vo de Gmeind Den Haag
Flächi
 – Land
 – Wasser
98,13 km²
82,69 km²
15,44 km²
CBS-Code 0518
Ywohner 538.057 (31. Jan. 2019[2])
Bevölkerigsdichdi 5483 Einwohner/km²
Koordinate 52° 5′ N, 4° 19′ OKoordinate: 52° 5′ N, 4° 19′ O
Bedütende Verchehrswäg A4 E19 E30 A12 A13 N14 N44 N211 S 100 S 101 S 102 S 103 S 104 S 105 S 106 S 108 S 200
Vorwahl 070
Postleitzahle 2244, 2491–2493, 2495–2498, 2501–2509, 2511–2518, 2521–2526, 2531–2533, 2541–2548, 2551–2555, 2561–2566, 2571–2574, 2581–2587, 2591–2597
Website Homepage von Den Haag
Lage von Den Haag/’s-Gravenhage in den Niederlanden
D Innestadt vo Den Haag
D Innestadt vo Den HaagVorlage:Infobox Ort in den Niederlanden/Wartung/Bild1

Den Haag (dɛnˈɦaːx, amtlig au ’s-Gravenhage (ˈsxraːvə(n)ˌɦaːɣə), änglisch The Hague usw.) isch dr Sitz vom Parlamänt und vo dr Regierig vo de Niiderland und vom Köönigriich vo de Niiderland und d Hauptstadt vo dr Browinz Südholland. Sit 1831 isch d Stadt d Residänz vom Köönigshuus, di formaal Hauptstadt vo de Niiderland isch aber Amsterdam.[3]

D Gmäind Den Haag het 538.057 Iiwooner (Stand: 31. Januar 2019), e Flechi vo nume 98,12 Kwadraatkilometer und isch die drittgrössti Stadt in de Niiderland. Dr Umlandverband vo dr Stadtregion häisst Haaglanden und zelt uf 405 Kwadratkilometer nünn Gmäinde mi öbbbe äinere Million Iiwooner.

Laag und Wirtschaft[ändere | Quälltäxt bearbeite]

Den Haag lit im Weste vo de Niiderland. S Stadtzentrum isch öbbe 6 km vo dr Nordsee äwägg. D Stadtdäil Scheveningen und Kijkduin lige diräkt am Meer.

D Stadt isch Däil vo dr Aglomerazioon Randstad. In dr Nööchi lige witeri bedütendi Stedt wie Rotterdam (20 km), Leiden (15 km) oder Delft (8 km). D Drabantestadt Zoetermeer, wo in de 1970er-Joor gründet worde isch, lit öbbe 10 km östlig vo Den Haag.

Süüdlig vo dr Stadt befindet sich e riisigi, zsämmehängendi Gwäggshuuslandschaft, wo bis zur Rhiimündig bi Hoek van Holland goot und wo Gmües und Blueme aapflanzt wärde.

Dr Bürokomplex „New Babylon“

In dr Stadt si e Hufe chliini und mittelgroossi Handels- und Industriiundernääme aasäässig. Dr Dienstläistigssektor mit e Hufe Büro isch für e Regierigssitz e wirtschaftlige Schwerpunkt. Dr Bürokomplex „New Babylon“ im Zentrum lit grad bim Hauptbaanhoof und zelt wäge sim ikonische Disäin zu de Geböid wo d Skäiläin vo Den Haag brääge.[4]

Fuessnoote[ändere | Quälltäxt bearbeite]

  1. Benoeming burgemeester Den Haag. In: rijksoverheid.nl. Rijksoverheid, 19. Juni 2020, abgruefen am 3. Juli 2020 (niderländisch).
  2. Bevolkingsontwikkeling; regio per maand. In: StatLine. Centraal Bureau voor de Statistiek (niederländisch)
  3. Grondwetpad – 1. Hofplaats. Huis voor democratie en rechtsstaat, abgruefen am 5. April 2011 (niderländisch): „Andere belangrijke wijzigingen in 1983 waren onder andere: … Amsterdam wordt officieel de hoofdstad van het Koninkrijk der Nederlanden“
  4. Hannover Leasing kauft “New Babylon” in Den Haag für dänischen Investor (29. Dezember 2019)