Tibetaneschi Brugg Carasc
Di Tibetanisch Brugg Carasc (italienisch Ponte tibetano Carasc[1]) isch e Hängebrugg (Sailbrugg), wo s Tal vo de Sementina im Tessin öberquärt.
Geografii
[ändere | Quälltäxt bearbeite]Di Tibetanisch Brugg Carasc verbindet im mittlere Abschnitt vom Sementinatal d Gmainde Monte Carasso (nördlich) und Sementina (südlich) öber de Bärgbach Sementina. De Wanderwäg, wo öber d Hängebrugg füert, söll ab em Früelig 2015 e Wanderig vo Pianello öber Monti Bassi, Selvatico – Tibetanisch Brugg Carasc – Gane, M. Leone und S. Bernardo bis uf Gorte di Sosto (Curzútt) oder umkehrt mögli mache.[2]
Technischi Date
[ändere | Quälltäxt bearbeite]
D Hängebrugg isch i vier Mönet, vom Juli bis Oktober 2014, baut worde. D Tragsail sind mit eme Helikopter zu de Baustell gfloge worde.[3] D Widerlager, also d Befestigung, vo de Brugg sind uf 696,5 m ü. M. und d Höchi öber em Bachbett vo de Sementina isch 130 m. D Hängebrugg hät en Durchhang vo 14 m, d Braiti vom Laufsteg, wo us Lärcheholzbrätter gmacht isch, isch zwüsched 81 und 97 cm, s Gländer, wo us eme Maschetroothaag bestoot, isch 115 cm höch.[4] Si isch, mit 270 Meter Längi, eini vo de längschte Hängebrugge i de Schwiz (die längschti Hängebrugg esch d Charles Kuonen Brugg mit 494 m im Kanton Wallis), hät 1,66 Mio. Franke koschted und isch am 31. Mai 2015 offiziell eröffnet worde.[5]
Weblink
[ändere | Quälltäxt bearbeite]
Commons: Ponte tibetano Carasc – Sammlig vo Multimediadateie- Tibetische Brücke uf de Website vo Curzútt
- Ponte tibetano Carasc, i lavori procedono spediti. Bildergalerii uf Ticinonline vom 25. November 2014 (tio.ch)
Fuessnoote
[ändere | Quälltäxt bearbeite]- ↑ Ponte tibetano Carasc, i lavori procedono spediti (Memento vom 29. Oktober 2019 im Internet Archive) Artikel uf Ticinonline vom 24. September 2014
- ↑ Wanderwegekarte Hängebrücke. PDF-Datei uf de Website vo Curzútt, abgruefe am 9. Dezember 2014
- ↑ Spektakuläre Hängebrücke im Tessin. Sändig «Die Anderen – Les autres – Gli altri – Ils auters» vo Radio SRF 1, vom 29. November 2014
- ↑ Prospekt «Verbunden durch eine Brücke». PDF-Datei uf de Website vo Curzútt, abgruefe am 9. Dezember 2014
- ↑ Tibetanische Hängebrücke im Tessin, Artikel uf bluewin.ch vom 20. Mai 2015 (Memento vom 22. Mai 2015 im Internet Archive)
Koordinate: 46° 11′ 46″ N, 8° 58′ 14,9″ O; CH1903: 718270 / 117227