Theresa Schopper
| Dialäkt: Undermarkgreflerisch |
D Theresa Schopper (* 9. April 1961 z Füessa im Allgai) isch e dytschi Bolitikeri (Bindnis 90/Di Griene). Si isch vu 1994 bis 2003 un vu 2008 bis 2013 Abgoordneti vum Bayerisch Landdaag gsii. Vu 2003 bis 2013 isch si Landesvoorsitzeri vu dr Griene Bayern gsii. Syt Mai 2016 isch si zeerscht as Staatssekreteeri fir di bolitisch Koordinazioon im Staatsminischterium Baade-Wiirtebäärg verantwoortli gsii. Am 9. Oktoober 2018 isch si noch em Uusschyyde vum Klaus-Peter Murawski zur Staatsminischteri ernännt woore.
Uusbildig un Beruef
[ändere | Quälltäxt bearbeite]Noch em Bsuech vum Gimnasium mit Schuelerhaim Hohenschwangau het si Soziology, Psychology un Kriminology an dr Ludwig-Maximilians-Universiteet Minche studiert. Derno het d Diploom-Sozioloogi vu 1988 bis 1992 as Gschäftsfiereri vu dr Bayerische Griene gschafft.
Bolitik
[ändere | Quälltäxt bearbeite]D Theresa Schopper isch syter anne 1983 Mitgliid bi dr Griene un het verschiideni bolitischi Ämnter ghaa. Zem Byschpel isch si di eerscht Stadtvoorsitzeri vu dr Minchner Griene vu dr 1992 bis 1994 gsii.
Vu 1994 bis 2003 isch si fir Bindnis 90/Di Griene im Bayerische Landdaag ghockt. Iri Schwäärpinkt sin d Soziaal- un Gsundhaitsbolitik gsii. Zwische 2008 un 2013 isch si wider Abgoordneti im Bayerische Landdaag gsii. D Theresa Schopper isch deert gsundhaitsbolitischi Sprächeri un Mitgliid vum Uusschuss fir Umwält un Gsundhait gsii. Si isch derzue stellverdrättendi Voorsitzeri im Uusschuss Erneerig, Landwiirtschaft un Foorscht gsii un Mitgliid im Unteruusschuss Hoochschuel fir Bolitik vum Bayerische Landdaag un im Landesgsundhaitsroot Bayern. Bi dr Landdaagswaal z Bayern 2013, wu si uf Blatz 3 vu dr Beziirkslischt Schwoobe un as Diräktkandidaati vu ire Bartei im Stimmkrais Marktoberdorf (Oschtallgai) aadrätten isch, het si dr Yyzuug in Landdaag verbasst.
Uf Bundeseebeni vu dr Griene isch si vu 2004 bis 2014 Mitgliid im Bundesbarteiroot gsii. Am 28. Septämber 2013 het si in eme Brief an Landesverband verchindet, uf dr Landesdelegiertekumferänz 2013 z Augschburg nimi as Landesvoorsitzeri z kandidiere.
Ab Mai 2016 isch d Theresa Schopper zeerscht beamteti Staatssekreteeri im Kabinett Kretschmann II z Baade-Wiirtebäärg gsii. Am 9. Oktoober 2018 isch si noch em Uusschyyde vum Klaus-Peter Murawski zur Staatsminischteri ernännt woore.[1]
Sunschtigs Engaschmänt
[ändere | Quälltäxt bearbeite]- Mitgliid bi dr Heinrich-Böll-Stiftig
- Mitgliid bi dr Petra-Kelly-Stiftig
- Mitgliid im Feerderverain Nationalpark Ammergebirge e. V.
- Mitgliid im Kuratorium vu dr Hoochschuel fir Bolitik Minche
- Beruefe Mitglid im Landeskomitee vu dr Katholike Bayern
- Byyreeti im Landesvoorstand vu IN VIA
- Byyreeti im Landesvoorstand vu „Stop dem Frauenhandel“
Privaats
[ändere | Quälltäxt bearbeite]D Theresa Schopper isch ghyroote un het zwai Chinder.
Weblink
[ändere | Quälltäxt bearbeite]
Commons: Theresa Schopper – Sammlig vo Multimediadateie- Websyte vu dr Theresa Schopper
- GrüneBayern uf Youtube: Verabschiedung von Theresa Schopper als Landesvorsitzende am 16. Novämber 2013.
Fueßnote
[ändere | Quälltäxt bearbeite]- ↑ Neue Hausspitze im Staatsministerium, Staatsministerium Baden-Württemberg am 9. Oktober 2018.
|
Dä Artikel basiert uff ere fräie Übersetzig vu dere Version vum Artikel „Theresa_Schopper“ vu de dütsche Wikipedia. E Liste vu de Autore un Versione isch do z finde. |