Theopompos

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

De Theopompos (altgriechΘεόπομπος; Endi 8. Jh. v. Chr.) isch e König vo Sparta gsii usem Gschlecht vo de Eurypontide. Er isch de früesti sicher historisch bizügti König vo Sparta und hett im uusgeende 8. Jh. und iigende 7. Joorhundert v. Chr. glebt.

De Theopompos hett im Erste Messenische Chrieg de westlich Tail vo Messenie underworffe.[1] Da isch s anzig, wo sicher historisch isch. Gliichzittig mit em isch de Polydoros usem Gschlecht vo de Agiade König vo Sparta gsii.

De Theopompos söll z Sparta s Ephorenamt iigfüert haa.[2] De erst Ephor isch nochem Plutarch de Elatos gsii.[3]

Famili[ändere | Quälltäxt bearbeite]

De Theopompos isch de Soo vom Nikandros gsii. Er isch mit de Chilonis verhürootet gsii und hett zwee Söö ghaa, de Archidamos und de Anaxandrides.

Lebe[ändere | Quälltäxt bearbeite]

D Messenier sind im Chrieg vo de Arkader understützt wore, debii söll de Theopompos vo dene gfange gnoo wore sii. Erisch denn vo sinnere Frau Chilonis bifrait wore.[4] I siim Alter isch e Chrieg mit de Argiver uusbroche, wege de Kynouria. Weg sim Alter und wegem Tood vo sim Soo Archidamos hett er a dem Chrieg nöme grooss tailgnoo. Siin Enkel Zeuxidamos isch noch em König wore.[5] Nochem Myron isch de Theopompos chorz vorem End vom Messenische Chrieg vom Messenier Aristomenes töödt wore.[6]

De Theopompos isch z Sparta miteme Denkmool geert wore.

Quelle[ändere | Quälltäxt bearbeite]

Noowiis[ändere | Quälltäxt bearbeite]

  1. Tyrtaios, fr. 4D und 5D
  2. Aristoteles: Politeia 1313a26
  3. Plutarch: Lykurg 7.1
  4. Polyainos: Strategmata 8.34
  5. Pauanias 3.7.5f.
  6. Myron vo Priene, bim Pausanias 4.6.4

Literatur[ändere | Quälltäxt bearbeite]

Mischa Meier: Theopompos. In: Der Neue Pauly (DNP). Band 12/1, Metzler, Stuttgart 2002, ISBN 3-476-01482-7, Sp. 394–395.