S Theobald-Baerwart-Schuelhuus
Koordinate: 47° 34′ 10,6″ N, 7° 35′ 12,6″ O; CH1903: 611152 / 268777
| Dialäkt: Baseldütsch |
S Theobald-Baerwart-Schuelhuus, bis 1968 Schuelhuus am Rhii, isch e Schuelhuus z Baasel. S Geböid isch vo de Baasler Archidekte Gustav und Julius Kelterborn baut worde und gältet as e Kulturguet, wo regionaali Bedütig het.[1] Es het dr Naame vom Mundartdichder Theobald Baerwart überchoo.
D Laag
[ändere | Quälltäxt bearbeite]S Theobald-Baerwart-Schuelhuus im Matthys-Kwardier im Chläibaasel grad näbe dr Dreiroosebrugg.
Beschriibig
[ändere | Quälltäxt bearbeite]S Geböid isch e Massivbau mit eme integrierte Iiseskelett.[2] Es het drei Stöck und zwäi Site- und äi Middelrisalit. Über e Stääge chunnt mä zu de Iigäng am Middelrisalit, wo für Mäitli und Buebe separaat si. S Bardeer isch mit rotem Sandstäi verchläidet. D Butzflechene vo de bäide oobere Stöck si drmit iigfasst. Verzierige git s käini.[3] Dr Middelrisalit isch mit eme Dachriter in dr Form vom ene Uurdurm speziell uuseghoobe.[2]
Im Oste stoot e Durnhalle, wo zentraal an s Geböid aabaut isch. Ursprünglig het si d Pauseblätz vo de Mäitli und de Buebe drennt. Um s Geböide ume het s e Granitmuure mit eme Metallgländer druf.[2]
Gschicht
[ändere | Quälltäxt bearbeite]
S Schuelhuus het mä vo 1900 bis 1902 as Brimaarschuelhuus am Rhii baut.[2] Im Februar 1968 het män em dr nöi Naame Theodor-Baerwart-Schuelhuus gee.[4] Es isch baut worde in ere Zit, wo d Bevölkerig stark gwaggse isch, und mä z Baasel e Hufe nöiji Schulhüüser baut het.[3]
Ursprünglig het s 24 Klassezimmer gha[3] und isch as Brimaarschuel brucht worde, denn für Chläiklasse und schliesslig vom Institut Kunst vo dr Fachhochschuel Nordwestschwiz (FHNW) und ere Primaarschuel. 2014/2015 isch s umfassend renowiert worde und isch sit denn e Sekundaarschuelhuus. Bi dr Renowierig het mä in Betracht zooge, ass dr Bedarf an Ruum gwaggse isch und au nöiji Standard in Ärdbeebesicherhäit, Energiieffizienz und Hindernisfreihäit umgsetzt. Doorum het mä dr Dachstock usbaut und e Lift installiert.[5]
Liddratuur
[ändere | Quälltäxt bearbeite]- Heimatschutz Basel (Hrsg.): Basel; Das innere Kleinbasel; Bauten des Fin de Siècle (= Baukultur entdecken). Basel 2019 (heimatschutz-bs.ch [PDF]).
- Bau- und Verkehrsdepartement Basel-Stadt, Städtebau & Architektur, Hochbauamt (Hrsg.): Theobald-Baerwart-Schulhaus Gesamtsanierung. Basel Januar 2016 (romanweyeneth.ch [PDF]).
Weblingg
[ändere | Quälltäxt bearbeite]
Commons: Theobald-Baerwart-Schulhaus – Sammlig vo MultimediadateieFuessnoote
[ändere | Quälltäxt bearbeite]- ↑ Kantonsliste A- und B-Objekte Kanton BS. Schweizerisches Kulturgüterschutzinventar mit Objekten von nationaler (A-Objekte) und regionaler (B-Objekte) Bedeutung. In: Bundesamt für Bevölkerungsschutz BABS – Fachbereich Kulturgüterschutz, 1. Januar 2022, abgrüeft am 23. Januar 2022 (PDF; 279 kB, 13 S., Revision KGS-Inventar 2021).
- ↑ 2,0 2,1 2,2 2,3 Bau- und Verkehrsdepartement Basel-Stadt, Städtebau & Architektur, Hochbauamt (Hrsg.): Theobald-Baerwart-Schulhaus Gesamtsanierung. Basel Januar 2016, S. [3] (romanweyeneth.ch [PDF]).
- ↑ 3,0 3,1 3,2 Heimatschutz Basel (Hrsg.): Basel; Das innere Kleinbasel; Bauten des Fin de Siècle (= Baukultur entdecken). Basel 2019 (heimatschutz-bs.ch [PDF]).
- ↑ 06.02.1968. In: Basler Chronik. Christoph Merian Stiftung, abgruefen am 13. März 2021.
- ↑ Bau- und Verkehrsdepartement Basel-Stadt, Städtebau & Architektur, Hochbauamt (Hrsg.): Theobald-Baerwart-Schulhaus Gesamtsanierung. Basel Januar 2016, S. [2] (romanweyeneth.ch [PDF]).
|
Dä Artikel basiert uff ere fräie Übersetzig vum Artikel „Theobald-Baerwart-Schulhaus“ vu de dütsche Wikipedia. E Liste vu de Autore un Versione isch do z finde. |