Julius Kelterborn

S Baasler Sanatorium, wo d Brüeder Kelterborn z Davos baut häi.

Dialäkt: Baseldütsch

Dr Gustav Kelterborn (* 1. Dezämber 1857 z Baasel; † 29. August 1915 z Baasel) isch e Schwizer Archidekt gsi, wo vor allem z Baasel zämme mit sim Brueder Gustav däätig gsi isch.

Dr Kelterborn isch 1857 as Soon vom Kunstmooler Ludwig Adam Kelterborn us Hannover z Baasel uf d Wält cho. Er het zerst e chli im Büro vo sim Brueder Gustav gschafft, denn isch er 1878 an die Technischi Hoochschuel Stuttgart go studiere. 1880 isch er als Bauzäichner bi dr Ufnaam vom Baasler Münster drbii gsi und sini Detäizäichnige si 1895 vom Münsterbauveräin veröffentligt worde. 1885 het er z Berlin bi Kayser & von Großheim gschafft, het 1887 e Studieräis uf Italie gmacht und isch denn zrugg uf Baasel, won er 1889 mit sim Brueder het afo zämmeschaffe.

E groosse Däil vo sinere Zit het dr Julius verschiidene Ämter gwidmet. Er isch in dr Baukommission gsi, dr Baubolizei und dr Museumskommission. Usserdäm isch er meereri Joor lang dr Vorsitzend vom Baasler Archidekte- und Ääscheniöör-Veräin gsi.

Litratuur

• Rolf Brönnimann-Burckhardt: Die Architekten Gustav und Julius Kelterborn und die Villa Burgstrasse 117 in Riehen. In: Jahrbuch z’Rieche 1982 (online).
• Romana Anselmetti: Kelterborn, Gustav und Julius. In: Isabelle Rucki und Dorothee Huber (Hrsg): Architektenlexikon der Schweiz – 19./20. Jahrhundert. Birkhäuser, Basel 1998, ISBN 3-7643-5261-2, S. 310 f.

Fuessnoote

Dä Artikel basiert uff ere fräie Übersetzig vum Artikel „Gustav_und_Julius_Kelterborn“ vu de dütsche Wikipedia. E Liste vu de Autore un Versione isch do z finde.