Westfrankeriich

D Gebietsufdeilig im Verdrag vo Verdun 843

S Westfrankeriich isch e fränkischs Übergangsriich in dr Zit vo 840 bis 877 gsi. Es isch mit em Verdrag vo Verdun im Johr 843 entstande und isch 870 im Verdrag vo Meerse erwiiteret worde. Es isch dr Nochfolger vo Neustrie und dr Vorläufer vo Frankriich gsi. Währed siiner Existänz isch s Riich die ganz Zit vom Karl II. em Kahle regiert worde.

Mit em Vertrag vo Verdun isch s Frankeriich in drei Deil ufdeilt worde:

• S Westfrankeriich, wo spöter Frankriich sich drus entwigglet het
• S Ostfrankeriich, s spötere Heilige Römische Riich
• S Mittelriich, wo scho 855 in dr Prümer Deilig deilt, und glii druf 870 im Verdrag vo Meerse und 880 im Vertrag vo Ribemont ufglöst worde isch. Die nördlige Deil si zum West- oder zum Ostfrankeriich cho, im Süde si die neue Königriich Niederburgund, Hochburgund und Italie entstande. Die si zerst mit em Heilige Römische Riich verschmulze, s burgundischi Riich isch spöter an Frankriich gfalle und Italie het sich in sälbstständigi Chliistaate ufglöst. S Gränzgebiet (Benelux, s Rhiiland, Lothringe, s Elsass) isch im Lauf vo dr Gschicht immer wider d Bühni für Hegemoniikämpf zwüsche de beide andere Riich, Frankriich und em Heilige Römische Riich oder sim Nochfolger, em Dütsche Riich, gsi.

Dä Artikel basiert uff ere fräie Übersetzig vum Artikel „Westfrankenreich“ vu de dütsche Wikipedia. E Liste vu de Autore un Versione isch do z finde.