Dag vum Mahnen an d Opfer vum Nationalsozialismus

Us der alemannische Wikipedia, der freie Dialäkt-Enzyklopedy
Yyfahrtsgebei vum KZ Auschwitz-Birkenau, Aasicht vu inne, 1945
Chranzniderlegig bi dr zäntrale Fyyr vum bade-wirttebärgische Landdag 2013 am Sinti-Dänkmol z Manne

Dr Dag vum Mahnen an d Opfer vum Nationalsozialismus (dt. Tag des Gedenkens an die Opfer des Nationalsozialismus) am 27. Jänner isch z Dytschland syter anne 1996 e bundeswyte, gsetzli verankerete Mahndag. Är isch as Johresdag bezogen uf dr 27. Jänner 1945, dr Dag, vu s Konzentrationslager Auschwitz dur di Rot Armee im letschte Johr vum Zweete Weltchrieg befreit woren isch. Zum Internationale Dag vum Mahne an d Opfer vum Holocaust isch dr 27. Jänner vu dr Verainte Nationen anne 2005 erklert wore.

Mahndag z Dytschland[ändere | Quälltäxt bearbeite]

Dr Dag vum Mahne an d Opfer vum Nationalsozialismus mahnt an alli Opfer vun eme byschpellose totalitäre Reschiim in dr Zyt vum Nationalsozialismus: „Jude, Chrischte, Sinti un Roma, Mänsche mit Behinderig, Homosexuälli, Mänsche, wu bolitisch andersch dänkt, un Manne un Fraue vum Widerstand, Wisseschaftler, Chinschtler, Schurnalischte, Chriegsgfangeni un Deserteur, Alti un Chinder an dr Front, Zwangsarbaiter un an di Millione Mänsche, wu unter dr nationalsozialistische Gwaltherrschaft enträchtet, verfolgt, quält un ermordet wore sin.“[1]

Dr Mahndag isch am 3. Jänner 1996 dur Proklamation vum Bundesbresidänt Roman Herzog yygfiert un uf dr 27. Jänner feschtglait wore.[2]

In syre Proklamation het dr Herzog uusgfiert:

„D Mahnig derf nit ufhere; si mueß au chimftigi Generatione zur Wachsamkeit mahne. Wäge däm isch s wichtig, jetz e Form vum Mahne z finde, wu in d Zuechumft wirkt. Si soll Druur iber Laid un Verluscht uusdrücke, em Mahnen an d Opfer gwidmet yy un e jedere Gfohr vu dr Widerholig entgegewirke.“

In dr Bundesrepublik wären an däm Dag an effetlige Gebei Druurfahne ufghänkt. In vyle Veraastaltige wie Läsige, Theateruffierige oder Gottesdienscht wird bundeswyt d Mahnig an d Verbräche vu dr Nationalsozialischte wachghalte. Im Bundesdag findet e Mahnstund statt.

Weblink[ändere | Quälltäxt bearbeite]

Fueßnote[ändere | Quälltäxt bearbeite]

  1. Bulletin Nr. 10-1 der Bundesregierung vom 27. Januar 2008 (Memento vom 7. Jänner 2014 im Internet Archive): Gedenkstunde: 27. Januar – Tag des Gedenkens an die Opfer des Nationalsozialismus – Gedenkstunde des Deutschen Bundestages am 25. Januar 2008 – Ansprache des Bundestagspräsidenten Dr. Norbert Lammert.
  2. Bundesgesetzblatt 1996, Teil I, S. 17
Dä Artikel basiert uff ere fräie Übersetzig vu dere Version vum Artikel „Tag_des_Gedenkens_an_die_Opfer_des_Nationalsozialismus“ vu de dütsche Wikipedia. E Liste vu de Autore un Versione isch do z finde.