Internationale Dag vum Mahnen an d Opfer vum Holocaust

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

Dr International Dag vum Mahnen an d Opfer vum Holocaust am 27. Jänner isch as Holocaust-Mahndag anne 2005 vu dr Verainte Nationen yygfiert wore.

Dr Dag, wu uf dr Johresdag vu dr Befreiig vum KZ Auschwitz-Birkenau dur di Rot Armee anne 1945 verwyst, isch vor dr UN-Proklamation unter anderem scho z Großbritannien un z Dytschland (Dag vum Mahne an d Opfer vum Nationalsozialismus, syt 1996) as Mahndag begange wore. Israel het syter anne 1951 mit em Jom haScho'a en aigene Mahndag mit eme andere Datum.

Am 18. Oktober 2002[1] hän d Bildigsminischte vu dr im Europarot verdrättene Staate bschlosse, e Dag vum Mahne an dr Holocaust un vu dr Verhietig vu Verbräche gege d Mänschligkait yyzfiere. Dr Mitglidsstaate isch s iberloo blibe, wele Dag uusgwehlt wird. Vu dr maischte Staate, dodrunter au Dytschland un d Schwyz, isch dr 27. Jännert gwehlt wore.[2] Im Zämmehang mit em Mahndag sollen im Schuelunterricht Verbräche gege d Mänschligkait, Velkermord un speziäll dr Holocaust thematisiert wäre, wu dr Europarot au Unterrichtsmaterialie derzue z Verfiegig stellt.[3]

D Generalversammlig vu dr Verainte Natione het scho mit ihre 28. Sundersitzig am 24. Jänner 2005 an dr 60. Johresdag vu dr Befreiig vu dr Konzentrationslager gmahnt,[4] uf ihre 42. Plenarsitzig am 1. Novämber 2005 het si 27. Jänner dur ihr Resolution 60/7 zum International Dag vum Mahnen an d Opfer vum Holocaust erklert.[5] Syter anne 2006 wird er wältwyt begange.

Weblins[ändere | Quälltäxt bearbeite]

Fueßnote[ändere | Quälltäxt bearbeite]

  1. Declaration by the European Ministers of Education (18 October 2002). In: Website des Europarates. Archiviert vom Original am 6. Juli 2007; abgerufen am 1. Februar 2013 (änglisch).
  2. Links. In: Website des Europarates. Archiviert vom Original am 18. Mai 2007; abgerufen am 1. Februar 2013 (änglisch).
  3. 27. Januar – Holocaust-Gedenktag. In: Websyte vum Europarot. Archiviert vom Original am 31. Januar 2013; abgerufen am 1. Februar 2013.
  4. 28th Special Session of the General Assembly. Commemoration of the sixtieth anniversary of the liberation of the Nazi concentration camps. Abgerufen am 23. November 2012 (mehrschpraachig, arabisch, chinesisch, englisch, französisch, russisch, spanisch).
  5. Resolution adopted by the General Assembly 60/7. Holocaust remembrance. (HTML mit PDF (105 kB) eingebettet) 1. November 2005, archiviert vom Original am 12. November 2012; abgerufen am 23. November 2012 (mehrschpraachig, arabisch, chinesisch, englisch, französisch, russisch, spanisch, Resolution vu dr Generalversammlig vu dr Verainte Natione 60/7). un General Assembly Decides to Designate 27 January as Annual International Day of Commemoration to Honour Holocaust Victims. 1. November 2005, abgerufen am 23. November 2012 (änglisch, Pressemitdailig vu dr Generalversammlig vu dr Verainte Natione GA/10413).
Information icon.svg Dä Artikel basiert uff ere fräie Übersetzig vu dere Version vum Artikel „Internationaler_Tag_des_Gedenkens_an_die_Opfer_des_Holocaust“ vu de dütsche Wikipedia.

E Liste vu de Autore un Versione isch do z finde.