Christ

Us der alemannische Wikipedia, der freie Dialäkt-Enzyklopedy
Dä Artikel handlet vom Mitgliid vo de Religioonsgmäinschaft. Für öpper mit em Naachname Christ lueg Robert Balthasar Christ.
Cornelis Bega: Christe bim Dischgebät

As Christ wird e Person bezäichnet, wo sich zum Jesus vo Nazaret (au Jesus Christus gnennt) und zu däm sine Leere bekennt. Die si im Nöije Testamänt vo dr Biible überliiferet. Zum Christsii ghöört au d Daufi, wo d Person mit ere in die christligi Gmäinschaft ufgnoo wird. Christe chönne zu de verschiidenste Konfessione vom Christedum ghööre.

Dr Begriff Namenschrist, das häisst e Christ im Naame nume, bezäichnet Persone, wo formal zun ere christlige Glaubensgmäinschaft ghööre, ooni sich an deren iiri Leere z halte oder zu deren iire Versammlige z goo.