Symmachus (Papscht)

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Symmachus (Mosaik us Sant’Agnese fuori le mura, Mitti 7. Johrhunderts).

Dr Symmachus (* uf Sardinie; † 19. Juli 514 z Rom) isch vu 498 bis zue sym Dod Papscht gsii.

Lääbe un Wirke[ändere | Quälltäxt bearbeite]

Dr Symmachus isch aafangs Erzdiakon unter em Papscht Anastasius II. gsii Noch em Dod vu sällem sin noch ere fimfdägige Sedisvakanz am 22. Novämber 498 zwee Noofolger gwehlt wore. Dr aint isch dr Symmachus gsii, dr ander dr bishärig Archipresbyter Laurentius, wu nume vun ere Minderhait gwehlt, aber vum Adel un vum Senat vu Rom unterstitzt wore isch. Dr Laurentius het s Akakianisch Schisma, wu s syt 484 gee het, welle bylege un het wäge dämen Uusglych mit Konstantinopel gsuecht. Dr Symmachus het dergege Byzanz gegeniber nit welle noogee. Wel sie zue kaire gmainsame Bolitik gfunde hän, hän boodi Barteiedr Chenig Theoderich al iSchidsrichter uf Rom gruefe. Dr Oschtgotechenig het dr Symmachus anne 499 as Bischof vu Rom anerkännt un het derfir gsorgt, ass dr Laurentius s Bischtum Nuceria Alfaterna z Kampanie iberchuu het. Dr Theoderich het si fir dr Symmachus yygsetzt, wel sälle, im Gegesatz zum Laurentius, mit syre stränge Haltig zum Akakianische Schisma di antibyzantinisch Bolitik vum Chenig unterstitzt het.

Dr Symmachus, wu jetz aidytige Bischof gsii isch, isch zwai oder drei Johr speter in e Grichtsskandal verwicklet gsii, was sym Aasää arg gschadet het, Dr Theoderich isch aafangs wäge däm vun em abgange un dr Laurentius isch uf Rom retuur chuu. Vu eppe 502 bis 506 hän si boodi Barteie heftigi Stroßeschlachte z Rom gliferet, was d Burgerschaft derzue brocht het, dr Theoderich z ruefe. Anne 501 isch dr Symmachus fir verschideni Verbräche aagchlagt wore. Är het aber verchindet, ass er dr wältlige Strofgrichtsbarkait nit unerstoo diei. As Grundlkag fir die Bhauptig hän di Symmachianische Fälschige dient, wu vu syne Aahänger verasst wore sin go sy Position stitze. Im Johr druf isch s z Rom derwäge zue Stroßeschlachte zwische Gfolgslyt vum Symmachus un sonsige vum abgsetzte Gegepapscht Laurentius chuu. Wu dr Oschtgotechenig Theoderich 505 wider Bartei fir dr Symmachus ergriffe ghaa het, het si sy Rivale Rivale Laurentius uf sy Landguet bi Rom zruckzoge.

Dr Symmachus het uf em Petersplatz e Brunne böue loo. Är isch am 19. Juli 514 z Rom gstorbe.

Speter isch dr Symmachus hailiggsproche wore. Sy Mahndag isch sy Dodesdag, dr 19. Juli.

Lueg au[ändere | Quälltäxt bearbeite]

Literatur[ändere | Quälltäxt bearbeite]

  • Eckhard Wirbelauer: Zwei Päpste in Rom. Der Konflikt zwischen Laurentius und Symmachus (498–514) (Quellen und Forschungen zur antiken Welt; 16). Tuduv, München 1993, ISBN 3-88073-492-5 (zugl. Dissertation, Universität Freiburg/B. 1992).
  • Ekkart Sauser: Symmachus. In: Biographisch-Bibliographisches Kirchenlexikon (BBKL). Band 11, Herzberg 1996, ISBN 3-88309-064-6, Sp. 359–363.
  • Ytrag in d Catholic Encyclopedia, Robert Appleton Company, New York 1913 (änglisch)

Weblink[ändere | Quälltäxt bearbeite]

 Commons: Papscht Symmachus – Sammlig vo Multimediadateie
VorgängerAmtNachfolger
Anastasius II.Papscht
498–514
Hormisdas