Stefanija Turkewytsch

D Stefanija Iwaniwna Turkewytsch-Lukijanowytsch (Ukrainisch Стефанія Іванівна Туркевич-Лукіянович; * 25. April 1898 z Lemberg, Galizie, Eschtrych-Ungarn; † 8. April 1977 z Cambridge, Großbritannie) isch e ukrainischi Komponischti, Pianischti un Musikwisseschaftleri gsii.^[1]

Lääbe

Erschte Musikunterricht het si vu ire Mueter kriegt. Noch em Erschte Wältchrieg^[2] het si klassischi Kumpesizion bim Wassyl Barwinskyj (Василь Олександрович Барвінський; 1888–1963) un Klavier bim Vilém Kurz un em Jerzy Lalewicz (Є. Лялевич) am Hechere Musikinschtitut z Lwiw studiert.^[3] Derno isch si uf Eschtrych zoge un het bim Guido Adler an dr Universitet Wien un bim Joseph Marx an dr Musikakademy studiert.

Anne 1925 isch si mit irem eerschte Mann Robert Lissowskyj uf Berlin graist, wu si bim Franz Schreker un bim Arnold Schönberg studiert het. Vu Berlin ich si uf Prag gange un het dert bim Zdeněk Nejedlý an dr Karlsuniversitet, bim Otakar Šín am Prager Konservatorium un bim Vítězslav Novák an dr Musikakademy studiert.^[2] An dr Ukrainische Freie Universitet z Prag het si anne 1934 in Musikwisseschaft promowiert.^[1]

Zwische 1935 un 1939 het si Harmonylehr un Klavier am Hechere Musikinschtitut z Lwiw glehrt un vu 1940 bis 1944 het si dert am Konservatorium unterrichtet, isch Klavierbeglaitig an dr Opere Lwiw un Pianischti fir s Radio gsii.^[1]

Uf dr Flucht vor dr Rote Armee isch si 1946 mit irem zweete Mann Narzys Lukijanowytsch (Нарциз Денисович Лукіянович; 1907–1985^[3]) uf Großbritannie emigriert^[2] un het dert an ire Komposizione gschafft. Si het Ballettmusik un e Opere, vier Simfonie, liturgischi Musik, Chammermusik un Stuck fir Klavier un Chunschtlieder komponiert.^[1]

D Stefanija Turkewytsch isch d Mueter vu dr Moleri Soja Lissowska-Nyschankiwska (Зоя Робертівна Лісовська-Нижанківська; * 1927) gsii.^[3]

Komposizione

Simfonischi Wärch

Simfony Nr. 1 – 1937
Simfony Nr. 2(a) – 1952
Simfony Nr. 2(b) (2. Fassung)
Simfony – 1956
Drei simfonischi Skizze – 3-го травня, 1975
Simfonisch Gedicht «La Vitа»
Wältruumsimfony – 1972
Suite fir Doppelstrychorcheschter
Fantasy fir Doppelstrychorcheschter

Ballett

S Maidli mit dr verdorrte Händ – Bristol, 1957
D Halschette
Friejohr – (Chinderballett) 1934-5
(a) – Mavka – „D Waldnymphe“ – 1964-7 – Belfast
(b) – Mavka – „e Waldnymphe“ – 1964-7 – Belfast
Butzemummel – 1976

Opere

Mavka – (uuvolländet) basiert uf em „Waldlied“ vu dr Lesia Ukrainka

Chinderopere

Zar Okh oder das Herz von Oksana – 1960
Der junge Teufel
Ein Gemüsegarten (1969)

Chorwärch

Liturgy 1919
Psalm an Sheptytsky
Vor dr Schlacht
Triptychon
Waglelied (Ah, kai Chatz) 1946

Chammer–Inschtrumentalwärch

1935 – Sonate fir Violine un Klavier
(a) 1960 – 1970 – Strychquartett
(b) 1960 – 1970 – Strychquartett
1960 – 1970 – Trio fir Violine, Viola un Cello
1960 – 1970 – Klavierquintett
1972 – Blesertrio

Klavierwärch

Variatione iber e ukrainisch Thema
Fantasy: Suite fir Klavier iber ukrainischi Theme 1940
Improvisiert 1962
Groteske 1964
Bärgsuite 1966 – 1968
Stuckzyklus fir Chinder 1936 – 1946
Ukrainischi Wynächte un Shchedrivka
Gueti Nochricht
Wynächte mit Harlekin 1971

Sunschtigi

i. – Härz – Solostimm mit Orcheschter
ii. – Lorelei – Verzeller, Harmonium un Klavier 1919 – Wort vu dr Lesia Ukrainka
iii. – Mai – 1912
iv. – Volksliedtheme
v. – Platz vu dr Unabhängigkait – Klavierstuck
vi. – Lemky Lied fir Stimm un Strycher

Weblink

Fueßnote

↑ ^1,0 ^1,1 ^1,2 ^1,3 Yydrag zue dr Turkevych-Lukiianovych, Stefaniia in dr Encyclopedia of Ukraine
↑ ^2,0 ^2,1 ^2,2 Biografy Stefanija Turkewytsch uf ukrainianartsong
↑ ^3,0 ^3,1 ^3,2 Yydrag zue dr Stefanija Turkewytsch-Lukijanowytsch in dr Enzyklopädy vu dr modärne Ukraine

Dä Artikel basiert uff ere fräie Übersetzig vu dere Version vum Artikel „Stefanija_Turkewytsch“ vu de dütsche Wikipedia. E Liste vu de Autore un Versione isch do z finde.

[encyclopedia-1] 1,0 ^1,1 ^1,2 ^1,3 Yydrag zue dr Turkevych-Lukiianovych, Stefaniia in dr Encyclopedia of Ukraine

[ukrainianartsong-2] 2,0 ^2,1 ^2,2 Biografy Stefanija Turkewytsch uf ukrainianartsong

[ESU-3] 3,0 ^3,1 ^3,2 Yydrag zue dr Stefanija Turkewytsch-Lukijanowytsch in dr Enzyklopädy vu dr modärne Ukraine

[1]

[2]

[3]