Komponist

E Komponist (latiin. componere ‚zämmesetze) isch öbber, wo musikalischi Wärk (Komposizioone) erschafft und dorum an dam Wärk s usschliesslige Rächt as gäistigs Äigedum het.

S Resultat vom Komposizioonsvorgang wird as Komposizioon mäistens in notierter Form (vo Hand oder diräggt as Nootesatz im Kompiuter) vorgläit; bsundrigs in dr elektronische Muusig isch s au üüblig si in dr Form vo Doondrääger z veröffentlige. Abgsee vo dr elektronische Muusig, wird d Muusig vom ene Komponist vo Interpreete (Musiker, Sänger) gspiilt oder gsunge.

Allgemäins

Dr Komponist schafft e Muusigwärk, wo ooni Teggst as Instrumentalmuusig gältet und mit Teggst as Wokaalmuusig bezäichnet wird. E Komponist cha glichzitig au Teggster si, aber au anderi Persoone chönne as räini Teggstdichter ufdräte. In bäide Fäll muess dr Teggst vo dr Frasierig, vomVärsmaass und vo dr Doonart us zur Muusig basse. Dorum schaffe d Liedteggster und d Muusikkomponiste mäistens äng zämme, zum dr Teggst und d Muusig zun ere harmonische Äihäit z verschmelze. Es cha sich doodrbii um d Teggstierig von ere vorhandene Melodii handle wie au um d Verdoonig vom ene bestehende Teggst.

Komponiste vo klassischer Muusig - Grafischi Übersicht

Litratuur

• Theo Hirsbrunner: Von Richard Wagner bis Pierre Boulez. Essays. Müller-Speiser, Anif 1997, ISBN 3-85145-048-5.
• Melanie Unseld (Hrsg.): Reclams Komponistenlexikon. Reclam, Stuttgart 2009, ISBN 978-3-15-010732-4

Weblingg

 Commons: Komponisten – Sammlig vo Multimediadateie

 S dütschsprochig Wikiquote hät Zitat zum Thema „Komponist“

• Komponist/in im Berufenet vu dr Bundesagentur fir Arbet
• Deutscher Komponistenverband
• Composers Club Deutschland
• Komponistendatenbank des Deutschen Musikinformationszentrums uf miz.org
• The Living Composers Project uf composers21.com
• komponistenforum.de – Plattform für Neue Musik (Memento vom 4. März 2013 im Internet Archive)

Dä Artikel basiert uff ere fräie Übersetzig vum Artikel „Komponist“ vu de dütsche Wikipedia. E Liste vu de Autore un Versione isch do z finde.