Staatsarchiv Aargau

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
s Huus vom Staatsarchiv Aargau

S Staatsarchiv Aargau isch s zäntralen Archiv vom Kanton Aargau.

Es gilt as es Kulturguet, wo nazionali Bedüütig het.

Wo dää Kanton noch em Ändi vo dr Helvetik mit dr nöie Mediazioonsverfassig ane 1803 als sälbständige Täil vo dr Schwiiz entstanden isch, het d Staatskanzlei au d Uufgab überchoo, s Schriftguet vo de nöie Behöörde z samle. Am Afang het me für die chlyni Zäntralverwaltig vom Kanton no Platz gha im stedtische Roothuus z Aarau. 1820 het d Kantonsregierig im Regierigsgeböide chönne wyterschaffe, wo jetz au fürs Staatsarchiv dry choo isch. Sid 1832 hät s Archiv au no es Aktedepot im Grossrootsgeböide grad näbedra gha.

S Staatsarchiv isch dänn z’eerscht e Zyt lang Zuesatzuufgab vom Kantonsbibliotekaar gsi, und spööter isch s wider zu dr Staatskanzlei choo. 1959 het für s Archiv und d Biblioteek en Nöibou am Rand vom Roothuusgarte ggää, und 1998 isch s Archiv vo dört wäggchoo is nöie kantonale Verwaltigsgeböide Buechehoof. Do het s Kantonsarchiv jetz i eim vo de modärnschte Archivgeböide vo dr Schwiiz chönne schaffe.

2005 het dr Kanton wider e gmäinsami Abtäilig «Biblioteek und Archiv Aargau» gmacht, wo zum Departemänt Bildig, Kultur und Sport ghört.[1]

Im Archiv sind au aargauischi Dokumänt us dr Zyt vor 1803.

Archivaar im Aargauer Archiv: Franz Xaver Bronner, Hektor Ammann, Walther Merz, Nold Halder, Georg Boner, Roman Brüschweiler, Piroska Máthé, Andrea Voellmin.

Literatur[ändere | Quälltäxt bearbeite]

  • Piroska R. Máthé: Vom Pergament zum Chip. Kulturgüter im Staatsarchiv Aargau. AT Verlag, Aarau 2003, ISBN 3-85502-886-9.

Weblink[ändere | Quälltäxt bearbeite]

 Commons: Staatsarchiv Aargau – Sammlig vo Multimediadateie

Fuessnoote[ändere | Quälltäxt bearbeite]

  1. Rolf Hubler: Eine Entwicklung hin zum Archiv als Informationsdienstleister uf arbido.ch