Nold Halder
Dr Nold Halder (* 31. Oktober 1899 z Züri; † 1. Februar 1967 z Aarau) isch e Schwiizer Lehrer und Archivar gsi.
Dr Nold Halder isch Bürger vo z Länzbrg gsi. Er het z Weddige s Lehrerseminar psuecht und z Gämf, z Bärn und z Dijon studiert. Denn het er z Bärn als Lehrer gschaffet. 1927 isch er Bibliothekar und Archivar vom kantonale Gfängnis z Länzbrg worde, und 1942 het er d Leitig vom Sanggaller Gfängnis mit dr Stroofkolony Saxerriet übernoo. Vo 1947 aa isch er Staatsarchivar und glychzytig au Bibliothekar vom Kanton Aargau gsi. Do het in näbe vil anderne Ufgabe bsunders d Forschig zue de aargauische Fluernäämen intressiert.
Für d Buechreie Geschichte des Kantons Aargau het er 1953 dr erscht Band gschribe.
Literatur
[ändere | Quälltäxt bearbeite]- Felix Müller: Halder, Nold. In: Historisches Lexikon vo dr Schwiiz.