Sony

Us der alemannische Wikipedia, der freie Dialäkt-Enzyklopedy
Sony Corporation
Logo
Unternähmensform Kabushiki-gaisha (Aktiegsellschaft)
Gründig 7. Mai 1946
Sitz Tokio, Japan
Leitig

Kazuo Hirai

Mitarbeiter 140.900 (2014)[1]
Umsatz 7,767 Bio. Yen (2014)[2]
Branche Unterhaltungselektronik
Uffdritt im Netz www.sony.net
Sony-Sitz in Tokyo

D Sony Corporation (jap. ソニー株式会社, Sonī Kabushiki-gaisha) isch de drittgreeschte japanische Elektronikkonzern midm Sitz z Tokio. De greeschte Firmezweig isch d Unterhaltungselektronik.

Produkte[ändere | Quälltäxt bearbeite]

Sony PlayStation 4

Audiogrääte[ändere | Quälltäxt bearbeite]

I de 1950er Johr war Sony s ärschte Unternähme, wo e Radiogräät midemme Transischtor hergstellt het. Im Johr 1979 het Sony au de ärschte Walkman, e Kassettenspiiler zum mitnämme, erfunde, aba 2004 hänn se zugänn, dass de Walkman eigentlich vom Dytsche Andreas Pavel erfunde worre isch.[3]

Zsamme mit Philips het Sony im Johr 1983 d ärschte Compact Disc (CD) entwiggelt un dofir au Abspiilgrääte, nämlich d CD-Spiiler, hergstellt.

Videogrääte[ändere | Quälltäxt bearbeite]

1975 het Sony e Videoufnaamegräät rusbrocht, wo aba net so erfolgrich wied Konkurrenz war, obwools e besseri Qualität ghabt het.[4] Sony isch usserdäm de weltwitte Marktfiirer im Berich Videokameras fir profesionelli Zwecke.

PlayStation[ändere | Quälltäxt bearbeite]

E großer Erfolg isch au d Spiilkonsole-Reihe PlayStation, wos aigentlich nur gibt, wil Sony fird SNES vu Nintendo e CD-Laufwerk herstelle het solle. Aba dann hets zwische Nintendo un Sony Komplikatione gänn un Sony het sinni eigeni Konsol, d PlayStation, hergstellt. Inzwische gibts 6 verschiideni PlayStation-Konsole.

Mobiltelefone[ändere | Quälltäxt bearbeite]

In de Mitt von de 1990er Johr het Sony aagfange zsamme mit Siemens au Mobiltelefone herstelle. 1998 het Sony dann sinni eigeni Firma, wo Mobiltelefone herstellt, grindet. Die Mobiltelefone sin in Ràppschwihr im Elsass hergstellt worre. Im Johr 2001 het Sony zsamme mir Ericsson d naije Firma Sony Ericsson grindet. Sit 2012 het Sony aba e komplett eigeni Firma, wo au Sony heißt un Smartphones herstellt.

Branchen[ändere | Quälltäxt bearbeite]

Newe de Produktion vu Technikgrääte het Sony au noch anderi Firmezweige wie s Film- un s Musikgschäft.

Weblink[ändere | Quälltäxt bearbeite]

 Commons: Sony – Sammlig vo Multimediadateie

Nochwiis[ändere | Quälltäxt bearbeite]

  1. Sony Global – Corporate Information. Abgrüeft am 11. Januar 2015.
  2. Consolidated Financial Results for the Fiscal Year Ended March 31, 2014. Abgrüeft am 11. Januar 2015.
  3. Sony legt Walkman-Patentstreit mit deutschem Erfinder bei. Abgrüeft am 11. Januar 2015.
  4. Betamax versus VHS. Abgrüeft am 11. Januar 2015.