Bezirk Solothurn

Us der alemannische Wikipedia, der freie Dialäkt-Enzyklopedy
(Witergleitet vun Solothurn (Bezirk))
Hops zue: Navigation, Suech
Bezirk Soledurn
Bezirk Soledurn
Basisdate
Staat: Schwiz
Kanton: Soledurn (SO)
Hauptort: Soledurn
Region-ISO: CH-SO
Gmeindsnummere: 1109
Flechi: 6.29 km²
Iiwohner: 16'721[1] (31. Dezämber 2015)
Bevölkerigsdichti: 2658 Iiwohner pro km²
Charte
Karte von Bezirk Soledurn

Dr Bezirk Soledurn im Kanton Soledurn (Schwiz) ghöört zur Amtei Soledurn-Lääbere und bestoot nume us dr Stadt Soledurn sälber.

Stellewärt und Gschicht[ändere | Quälltäxt bearbeite]

D Bezirk vom Kanton Soledurn si sit em 19. Joorhundert Waalkräis für d Waale zum Kantonsparlamänt gsi. Si si witgehend idäntisch mit de vorhäärige Vogtei-Gebiet vom usgehende Ancien Régime, häi e langi Dradizioon gha und eso gwüssi kulturelli Äigeständigkäite entwicklet. Dr Soledurner Stadtbezirk isch insofärn e Sonderfall, wil er e historischs Herrschaftszentrum isch und nie e ländligs Vogteigebiet gsi isch. Au noch dr liberale Revoluzioon vo 1830 si dört gwüssi politischi Briwilegie bliibe, so het d Hauptstadt e Sitzzaal im Kantoonsroot gha, wo dütöig überbroporzional zur Zaal vo de Bürger gsi isch (Zensuswaalrächt). S Brinzip vo äi Maa, äi Stimm het sich erst im Lauf vom 19. Joorhundert duuregsetzt.

Im Joor 2002 isch dr Kantoonsroot uf 100 Sitz verchliineret worde, und d Bezirk häi iiri Funkzioon as Waalkräis verloore. D Waalkräis si jetz idäntisch mit de Amteie, wo jewiils zwäi Bezirk umfasse. Dr Bezirk Soledurn lit sithäär im ene gmäinsame Waalkräis mit em Bezirk Lääbere.

Geografisch gsee isch dr Bezirk Soledurn dr äinzigi Bezirk vom Kanton, wo nid an dr Kantonsgränze lit.

S Wabbe[ändere | Quälltäxt bearbeite]

Däilt vo Root und Silber
Stadt und Bezirk Soledurn häi s gliiche Wabbe.

Iiwoonergmäinde[ändere | Quälltäxt bearbeite]

Wabbe Gmäindinaame Iiwooner Flechi
in km²
Soledurn Soledurn 16'721 6.29
Dotal (1) 16'721 6.29

Weblingg[ändere | Quälltäxt bearbeite]

 Commons: Bezirk Solothurn – Sammlig vo Multimediadateie

Fuessnoote[ändere | Quälltäxt bearbeite]

  1. Statistik Schweiz – STAT-TAB: Ständige und Nichtständige Wohnbevölkerung nach Region, Geschlecht, Nationalität und Alter (Ständige Wohnbevölkerung)