Bezirk Soledurn

Bezirk Soledurn
Bezirk Soledurn
Basisdate
Staat:	Schweiz Schwiiz
Kanton:	Soledurn (SO)
Hauptort:	Soledurn
BFS-Nummere:	1109
Flechi:	6,28 km²
Höchi:	424–500 m ü. M.
Iiwohner:	16'633 (31. Dezämber 2022)
Bevölkerigsdichti:	2649 Iiw. pro km²
Charte
Charte vo Bezirk Soledurn

Dr Bezirk Soledurn im Kanton Soledurn (Schwiz) ghöört zur Amtei Soledurn-Lääbere und bestoot nume us dr Stadt Soledurn sälber.

Stellewärt und Gschicht

D Bezirk vom Kanton Soledurn si sit em 19. Joorhundert Waalkräis für d Waale zum Kantonsparlamänt gsi. Si si witgehend idäntisch mit de vorhäärige Vogtei-Gebiet vom usgehende Ancien Régime, häi e langi Dradizioon gha und eso gwüssi kulturelli Äigeständigkäite entwicklet. Dr Soledurner Stadtbezirk isch insofärn e Sonderfall, wil er e historischs Herrschaftszentrum isch und nie e ländligs Vogteigebiet gsi isch. Au noch dr liberale Revoluzioon vo 1830 si dört gwüssi politischi Briwilegie bliibe, so het d Hauptstadt e Sitzzaal im Kantoonsroot gha, wo dütöig überbroporzional zur Zaal vo de Bürger gsi isch (Zensuswaalrächt). S Brinzip vo äi Maa, äi Stimm het sich erst im Lauf vom 19. Joorhundert duuregsetzt.

Im Joor 2002 isch dr Kantoonsroot uf 100 Sitz verchliineret worde, und d Bezirk häi iiri Funkzioon as Waalkräis verloore. D Waalkräis si jetz idäntisch mit de Amteie, wo jewiils zwäi Bezirk umfasse. Dr Bezirk Soledurn lit sithäär im ene gmäinsame Waalkräis mit em Bezirk Lääbere.

Geografisch gsee isch dr Bezirk Soledurn dr äinzigi Bezirk vom Kanton, wo nid an dr Kantonsgränze lit.

S Wabbe

Däilt vo Root und Silber

Stadt und Bezirk Soledurn häi s gliiche Wabbe.

Iiwoonergmäinde

Wabbe	Gmäindinaame	Iiwooner	Flechi in km²
	Soledurn	16'633	6.29
	Dotal (1)	16'633	6.29

Weblingg

 Commons: Bezirk Solothurn – Sammlig vo Multimediadateie