Snapchat

Us der alemannische Wikipedia, der freie Dialäkt-Enzyklopedy
Hops zue: Navigation, Suech
E Snap uf me Smartphone

Snapchat isch e cheschtelose Instant-Messaging-Dienscht fir d Nutzig uf Smartphone un Tablet. Dr Dienscht macht s megli, Foto oder Churzfilm, wu nume ne bstimmti Aazahl vu Sekunde sichtbar sin un si derno sälber „schlysse“, an Frynd z schicke. S isch aber mit relativ aifache Mittel megli, verschickti Dateien innerhalb vu dr Ordnerstruktur vu bruuchte Grät z finden un widerhärzstelle.[1]

Snapchat isch im Septämber 2011 vum Robert „Bobby“ Murphy un em Evan Spiegel grindet wore. Firmesitz ist Los Angeles, Kalifornie. Im Septämber 2013 sin iber Dienscht 350 Millione Nochrichten am Dag verschickt wore.[2] D Facebook Inc. het Snapchat welle ufchaufe, zerscht fir ai Milliard un speter fir drei Milliarde US-Dollar. Des isch aber abglähnt wore.[2][3] Dr Wärt vum Dienscht isch im Septämber 2015 uf 19 Milliarde US-Dollar gschetzt wore.[3][4] Im April 2016 hän rund 100 Millionen aktivi Nutzer all Dag 10 Milliarde Video-Clip aagluegt.[5] Dodermit lyt Snapchat wältwyt no vor Facebook, wu uf rund 8 Milliarde Video-Ufruef am Dag chunnt.[6]

Snapchat unterschaidet si vu andere soziale Mediedienscht in sym Ufböu. Näbe dr gängige Messaging-Funktion fir d Kommunikation vu aire Person zue andere oder in Gruppechat hän d Benutzer kaini Profil, wu wyter mit Inhalt chenne uusböue wäre. Si kriege stattdäm ihri aigene aisytig uusgrichtete Kanäl, wu als neii Inhalt driber chenne verbraitet wäre. D Inhalt vu däne chenne anderi Nutzer aaluege, aber nit diräkt kommentiere oder like. Noch ere gwisse Zyt verschwinde die Inhalt wider. Klassisch entsprichts ender eme Dagbuech, wu si temporär mit andere Nutzer daile. Sy Kanal cha mer au mit verschidene Filter versääne.[7]

Weblink[ändere | Quälltäxt bearbeite]

 Commons: Snapchat – Sammlig vo Multimediadateie

Fueßnote[ändere | Quälltäxt bearbeite]

  1. Rupert Mattgey (ry): Sexting-App löscht Videos nicht. In: CHIP Online. 2013-08-06. Abgrüeft am 2015-08-17.
  2. 2,0 2,1 Charles Engelken: Facebook wollte Chat-Dienst Snapchat für 1 Milliarde US-Dollar kaufen. In: mobiflip.de. mobiFlip, 2013-10-27. Abgrüeft am 2015-08-17.
  3. 3,0 3,1 Snapchat lehnte Milliarden-Offerte von Facebook ab. faz.net, 2013-11-13. Abgrüeft am 2015-08-17.
  4. Snapchat CEO Evan Spiegel: Vom Studienabbrecher zum jüngsten Milliardär der Welt. In: Finanzen.net. Redaktion Finanzen.net, 2015-09-30. Abgrüeft am 2016-02-03.
  5. Axel Dittmann: 24 Stunden Snapchat (Infografik) – Statistik 2016. In: Axel Dittmann Blog. 2016-06-28. Abgrüeft am 2016-06-28.
  6. Josh Constine: Facebook Hits 8 Billion Daily Video Views, Doubling From 4 Billion In April. In: TechCrunch. 2015-11-04. Abgrüeft am 2016-02-04.
  7. Johann Grabmann: Mein eigener Snapchat-Geofilter!. In: johann.gr. 2016-06-15. Abgrüeft am 2016-06-20.
Information icon.svg Dä Artikel basiert uff ere fräie Übersetzig vu dere Version vum Artikel „Snapchat“ vu de dütsche Wikipedia.

E Liste vu de Autore un Versione isch do z finde.