Sibylle Anderl

Dialäkt: Mìlhüüserdiitsch

D’ Sibylle Stefanie Anderl (* 29. Nowamber 1981 z’ Oldenburg (Oldb) ìm Nìedersàchsa) ìsch a diitscha Astrophysikera, Filosoofa un Wìssaschàftsschurnàlischta.

ìhra Laawa

D’ Anderl ìsch ìm Norda vu Ditschlànd ufgwàcksa. Ìhra Vàtter ìsch Kìnschtler gsìì. D’ Anderl hàt d’ Àbitüür bschtànda un hàt àb 2000 z’ Berlin gschtudiart: d’ Physik hàt sa àm Zäntrum fìr Astronomii un Astrophysik vu dr Täcknischa Üniwärsiteet vu Berlin gschtudiart, un d’ Filosofii àm Ìnschtitüüt fìr Filosofii, Wìssaschàfts- un Täcknikgschìcht vu dr salwa Üniwärsiteet; drfìr hàt sa Àbschlussàrweta ìm Braich Astrophysik un Filosofii vum Gaischt gmàcht. Naawa-n-ìhra Schtudia hàt sa pedàgoogischa Schrìfta fìr Kìnder ìwwer d’ Gsundhait bebìldert.

Ìhra Dokteràrwet hàt sa unter’m Frank Bertoldi àm Argerlander-Ìnschtitüüt fìr Astronomii vu dr Rhainischa Friedrich-Wilhelms-Üniwärsiteet z’ Bonn gmàcht. Ànna 2013 hàt sa ìhra Dokterwìrda ìm Fàch Astrophysik bschtànda mìt’ma Àrwet um d’ Schtoosswalla-n-ìm ìnterstellàra Medium. Schuu wahrend ìhra Schtudia ìsch sa àns chileenischa Paranal-Observatorium gànga, wo vu dr Öiropäischa Südschtärnwàrta glaita wìrd.

Vu 2013 bis 2016 ìsch d’ Anderl Forschera gsìì àm Ìnschtitüt vu Plànetologii un Àstrophysik vu Grenoble ìm Frànkrich, wo sa um d’ Äntschtehung vu da Schtärna un d’ Àstrokemii gforscht hàt. Drzüa hàt sa àm Interferometer (hitt em Noema) gschàfft un hàt ìm Rààhma vum CALYPSO-Projakt (Continuum And Lines in Young Proto Stellar Objects) mìt’ra Forschergruppa d’ molekülàra Schtràhlung um d’ Protoschtärn IRAM 04191+1522 beobàchtet. Ìn dam Ìnschtitüüt ìsch sa noch hìtt Gàschtwìssaschàftlera. Ìm Wìntersemäschter 2018 ìsch sa Profassera gsìì àn Üniwärsiteet vu da Kìnschta vu Berlin, un ìm Wìntersemäschter hàt sa àm Münchner Zäntrum fìr d’ Filosofii vu dr Màthemàtik vu dr Ludwig-Maximilians-Üniwärsiteet unterrìchtet.

Àb 2010 ìsch d’ Anderl fräija Mìtàrwaitera ìn dr Àbtailung Nàtüür un Wìssaschàft vu dr Frànkfurter Àllgmaina Zittung (FAZ) gsìì. Sitter 2017 ìsch sa doo Uffsätzera ìn dr Feuilleton-Àbtailung Nàtüür un Wìssaschàft. Ànna 2020/2021 hàt sa mìt’m Redàkzioonskolleeg Joachim Müller-Jung ärkläärt, wàs dr Coronavirüs SARS-CoV-2 ìsch. Ìn dr Anderl ìhra Uffsätzerkìrzel ìn dr FAZ ìsch „sian“. Züadam lààdt ma-n-oft d’ Anderl ìn Wìssaschàftssandungssandunga un uff Podia ii. Ìn dr Sandaraihja ARD-alpha vu dr Bairischa Rundfunk reedet d’ Anderl mìt Physiker, wo dr Nobelpriis bikumma han. Fìr d’ saalwa Sandung hàt sa fìmf Episooda gmàcht, wu sa d’ Gschìcht vu dr Mondforschung ärkläärt hàt.

Ìm Joohr 2017 ìsch ìn dr Anderl ìhra äärscht Büach, „Das Universum und ich“, üssagànga. Ìn dam Wark bschribt sa d’ Gmainsàmkaita zwìscha-n-Astrophysik un Filosofii.

Ànna 2019 hàt sa dr Hanno un Ruth Roelin-Priis fìr Wìssaschàftsschurnàlischmus vu dr Max-Planck-Ìnschtitüt fìr Astronomii gwunna.

D’ Anderl wohnt z’ Frànkfurt àm Main ìm Ditschlànd.

d’ Biacher, wo sa gschrìewa hàt

• Das Universum und ich: Die Philosophie der Astrophysik, Hanser, Müncha 2017, ISBN 978-3-446-25663-7 (2. Ufflààg, hochditsch)

  uff Itàlianisch ìwwersätzt vu dr Silvia Albesano: L'universo e io. Una filosofia dell'astrofisica, Solferino 2018, ISBN 978-8-828-20037-6

• Kampf der Egos: Von der Selbstüberschätzung der Inkompetenten und den Selbstzweifeln der Leistungsträger, Kürsüsbüach 199, Hamburg 2019, ISBN 978-3-96196-118-4 (hochditsch)
• Physik des Lebens: Reflexionen kosmischen Ausmaßes, Kursbuch 203, Hamburg 2020, ISBN 978-3-96196-196-2 (hochditsch)

d’ Biacher, wo sa bebìldert hàt

• Die Feuersalamanderin (gschrìewa vum Kain Karawahn, bebìldert vu dr Sibylle Anderl), Edition FeuerKinderBuch, Berlin, 2. Ufflààg 2015 (hochditsch)
• mìt dr Gabriele Hoeltzenbein (Täckscht) „Fipsi & Maxi – und die Kinder vom See“, Bànd 1, Auer Verlag, Augsburg 2002, ISBN 978-3-403-03587-9 (hochditsch)
• mìt dr Gabriele Hoeltzenbein (Täckscht) „Fipsi & Maxi – auf abenteuerlicher Reise“, Bànd 2, Auer Verlag, Augsburg 2002, ISBN 978-3-403-03589-3 (hochditsch)
• mìt dr Gabriele Hoeltzenbein (Täckscht) „Fipsi & Maxi – und die Sache mit Willi“, Bànd 3, Auer Verlag, Augsburg 2003, ISBN 978-3-403-03588-6 (hochditsch)
• mìt dr Gabriele Hoeltzenbein (Täckscht) „Fipsi & Maxi – Rettung in letzter Sekunde“, Bànd 4, Auer Verlag, Augsburg 2005, ISBN 978-3-403-03590-9 (hochditsch)

Weblinks

• D’ Sibylle Anderl, uff dr Websitta vu dr Frànkfurter Àllgmaina Zittung (hochditsch)
• D’ Sibylle Anderl ìn dr Dàtabànk vum Philosophicum Lech (hochditsch)
• Ìn dr Sibylle Anderl ìhra veräffentligta filosoofischa Forschungsàrtìckel ìn dr PhilPeople-Dàtabank (anglisch)
• Ìn dr Sibylle Anderl ìhra lätschta Verànschtàltunga bi dr Schtìftung Kunscht un Nàtüür (hochditsch)
• Ìn dr Sibylle Anderl ìhra pärseenliga Websitta (hochditsch)