Sibel Arslan

Us der alemannische Wikipedia, der freie Dialäkt-Enzyklopedy
d Sibel Arslan

D Sibel Arslan, wo am 23. Juni 1980 z Erzincan i dr Türggäi uf d Wält cho isch, isch e Schwiizer Jurischtin und Politikerin.

iires Lääbe un d Politik[ändere | Quälltäxt bearbeite]

D Arslan chunt vom Volch vo de Zaza, enere Minderhäit z Anatoolien i dr Türggäi. Anne 1985 isch iire Vatter als Flüchtling id Schwiiz choo, und eerscht 1991 het au sini Familie chönne nochechoo, d Sibel mit irere Muetter und de beede Brüeder. S Arslans sind is Chlybasel ggange. 2004 isch d Sibel Schwiizer Bürgerin woorde.

2012 het d Arslan als Jurischtin bim Basler Gwärkschaftspund, 2012 bi dr Kesb Baselstadt und 2015 bi dr Baselstedtische Sicherhäitsdiräkzioon agfange. 2017 het si mit em Lucius Dürr d Firma Sidus Consulting GmbH ggründet.

D Sibel Arslan isch sid 204 bi dr Gruppe BastA (Basels starke Alternative) drby gsi. Vo 2005 bis 2016 isch si im Grosse Root vom Kanton Basel-Stadt gsi; doo het si dr Frakzioon Grüens Bündnis ghulfe.

2015 het se s Basler Stimmvolch in Nazionalroot gwählt, und bi de Wahle anne 2019 grad nomol. Si isch bi de Grüene.

Weblink[ändere | Quälltäxt bearbeite]

 Commons: Sibel Arslan – Sammlig vo Multimediadateie