Shoppi Tivoli

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Shoppi Tivoli

S Shoppi Tivoli isch es Iikaufszäntrum z Schpreitebach im Schwiizer Kanton Aargau. Es isch durch d Fusion vo de beide Iikaufzäntre Shoppi und Tivoli entschtande und isch hüt s gröschti Iikaufszäntrum vo de Schwiiz.

Gschicht[ändere | Quälltäxt bearbeite]

Am 12. März 1970 isch z Schpreitebach s Shoppi eröffnet worde. Es isch s erschte Shopping-Center vo de Schwiiz gsi, het 50 Läde gha mit ere Verchaufsflächi vo 25'000 qm. Scho in dere Aafangsziit sind bis zu 60'000 Lüt pro Dag zum Lädele ins Shoppi cho. Im 1974 isch uf de andere Site vo de Landschtroos s Tivoli eröffnet worde, wo mit em Shoppi durch e offeni Brugg verbunde gsi isch. Im 2001 hei sich d Verwaltige vo de beide Iikaufszäntre zu de Shoppi Tivoli Management AG zäme gschlosse und me het aagfange, s Shopping-Center umzbaue.

S Shoppi Tivoli hüt[ändere | Quälltäxt bearbeite]

De Umbau vom Shoppi Tivoli, wo im 2010 isch abgschlosse worde, het öppe 280'000'000 Schwiizer Franke koscht. Di beide Hüüser links und rächts vo de Landschtroos sind durch e gschlosseni Lade-Passage mitenand verbunde. Insgsamt hets im Shoppi Tivoli öppe 150 Läde uf ere Verkaufsflächi vo 78'000 qm.

Weblink[ändere | Quälltäxt bearbeite]