Schwizer Institut für Chinder- und Jugedmedie

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

S Schwiizer Institut für Chinder- und Jugetmeedie (SIKJM) isch es Fachzäntrum, wo über d Meedie für Chinder und Jugetlichi forschet und däm Kulturberych wott hälfe.

S SIKJM isch z Züri dihei, und es het au Filiale i dr Wälschschwiiz und im Tessin. Es isch mit dr Uni Züri und as «assoziierts Mitgliid» mit dr Schwiizerischen Akademy vo de Geischtes- und Sozialwüsseschafte verbunde.

Es isch ane 2002 entstande, wo sech dr Schwiizerisch Bund für Jugetliteratur un s Schwiizerische Jugetbuechzäntrum zämetoo händ. Es wird vo dr Johanna-Spyri-Stiftig understützt und betröit au s Johanna-Spyri-Archyv.

S SIKJM tuet de Literaturvermiddler hälfe; zum s Lääse bi de Junge z fördere organisierts all Joor im Früelig dr Schwiizerisch Vorläsitag und im Herpscht d Schwiizer Verzellnacht und es macht sproochlechi Dokumäntazioone so wie öpe d Samlig vo Värs und Gedicht i de Landessprooche vo dr Schwiiz und i Sprooche vo Migrante.

S Institut git zäme mit em Tachverband vo de Schwiizer Lehrerinne und Lehrer dr Schwiizer Chinder- und Jugetmeedieprys.

Für sini Arbet hets e grossi Fachbiblioteek zämetreit. Es git sälber es Meedium use: d Zytschrift «Buch&Maus».

Weblink[ändere | Quälltäxt bearbeite]