Savetta

Savetta (Chondrostoma soetta)

Systematik

Ordnig:	Charpfenartigi (Cypriniformes)
Überfamilie:	Cyprinoidae
Familie:	Charpfefisch (Cyprinidae)
Gattig:	Chondrostoma
Art:	Savetta

Wüsseschaftlige Name

Chondrostoma soetta

Bonaparte, 1840

D Savetta oder de Italienischi Näslig (Chondrostoma soetta) isch e Süesswasserfisch wo z Norditalie und im Tessin haimisch isch. Si ghöört zo de gföördete Fisch.

Uussie

D Savetta isch e längliche, brüünliche Schwarmfisch, mit eme dunkle Rugge und dunkle Flosse. Si werd 25 bis 35 cm lang.

Verbraitig

D Savetta isch en endemischi Art vom Iizugspiet vom Po und zwoor z Italie und i de Schwiizi im Tessin. Z Sowenie isch si i de 1960er Joore uusgstorbe. Si lebt i Flüss, so im Tessin, im Etsch und i de Brenta und mag tüüffi Flusstele mit ere määssige Ströömig und eme stainige oder chiisige Grund. Si lebt au i groosse Seeje, wie im Langesee und im Luganersee.

Lebeswiis

D Savetta isch e Bodefisch wo vo Wasserpflanze und Waichtier lebt und vo de Stai Alge abschabet. D Laichziit goot vom April bis in Mai. D Savetta sammlet sich denn zo groosse Schwärm und wanderet flussufwäärts. S Wiibli lait a flache guet dorflossne Stele bis zo 100'000 Aier. D Savetta werd im dritte oder vierte Joor gschlechtsriiff und cha föf Joor alt were.

Büecher

Maurice Kottelat: European Freshwater Fishes. Cornol 2007. ISBN 978-2-8399-0298-4.

Weblink

Savetta uf Fishbase.org (englisch)

Chondrostoma soetta in dr Rote Lischt vu dr gfehrdete Arten vu dr IUCN 2013.2. Yygstellt vu: Crivelli, A.J., 2006. Abgruefe am 17. Mai 2014
Italian nase (Chondrostoma soetta), uf de Website vo ARKive.org (englisch)